1 ماۋسىم — حالىقارالىق بالالاردى قورعاۋ كۇنى مەرەكەسى قارساڭىندا «دينامو» دەنە-شىنىقتىرۋ سپورت قوعامى سەمەي قالالىق ىشكى ىستەر باسقارماسىمەن بىرىگىپ، قالاداعى № 8 جانە ءشۇلبى كەنتتىك بالالار ءۇيىنىڭ تاربيەلەنۋشىلەرى اراسىندا ەستافەتالىق جارىس وتكىزدى.

جارىستى سەمەي قالاسىنىڭ دەنە شىنىقتىرۋ جانە سپورت ءبولىمىنىڭ باسشىسى مۇرات قۇرجىقايەۆ اشىپ، قاتىسۋشىلارعا ساتتىلىك تىلەدى. بيىلعى جىلدى ق ر ىشكى ىستەر مينيسترلىگى «باقىتتى بالالىق شاقتى قورعاۋ» جىلى دەپ جاريالاپ وتىر. مۇنداي شەشىم قوعامدا بالالارعا قارسى جابايى ارەكەتتەردىڭ ورىن الۋىنا جول بەرمەۋ ءۇشىن قابىلدانعان.

الداعى ۋاقىتتا ىشكى ىستەر مينيسترلىگى بالالاردىڭ قۇقىعىن ەرەكشە قورعاپ، ولاردىڭ زاڭدى مۇددەلەرىن العا قويماقشى. جاسوسپىرىمدەر اراسىنداعى قاداعالاۋسىزدىق پەن قۇقىق بۇزۋشىلىققا ەندى ەرەكشە ءمان بەرىلمەك. ءىس-شارا بارىسىندا جقاج قىزمەتكەرلەرى بوكس، سامبو، دزيۋدو، قازاقشا كۇرەستەن، قويان-قولتىق ۇرىستان، سونداي-اق قارۋ قولدانۋ تاسىلدەرىنەن ارنايى كورسەتىلىم قويدى.

جارىسقا 7 جاستان 15 جاس ارالىعىنداعى 60 اسا بالا قاتىستى. 7-9 جاس ارالىعىنداعىلار جۇلدەلى ورىن ءۇشىن 5 كوماندا بولىپ سايىستى. ولار «ەكستريمال»، «راكەتا»، «العا»، «درۋجبا» جانە «بۇركىت» كوماندالارى دەپ اتالدى. ءاربىر قاتىسۋشىعا قالالىق «دينامو» فيليالىنان دوپ، فۋتبول كيىمى، بادمينتوندار جانە تاعى دا باسقا سپورتتىق بۇيىمدار تابىستالدى.

اكسيا سوڭىندا سەمەيلىك پوليسەيلەر بالالارعا بالمۇزداق تاراتتى.