قازاقستان تاراپى رەسەيدەن « بايقوڭىر» عارىش ايلاعىنداعى «زەنيت» زىمىرانىن ۇشىرۋعا قاجەتتى ينفراقۇرىلىمدى قابىلدادى.

بۇل تۋرالى ريا نوۆوستي پورتالى ق ر اەروعارىش ءوندىرىسى جانە قورعانىس مينيسترلىگى اەروعارىش كوميتەتىنىڭ اتقارۋشى ديرەكتورى باۋبەك ورالماعامبەتوۆكە سىلتەمە جاساپ حابارلادى. نىسانداردى بەرۋ پروسەسى 2018 جىلدىڭ 1 ناۋرىزىنان باستالعان.

بايقوڭىرداعى «زەنيت» زىمىراندى كەشەنىنىڭ ينفراقۇرىلىمىن رەسەيدەن قازاقستانعا قايتارۋ پروسەدۋراسى 1 ماۋسىمعا دەيىن ءبىتۋى كەرەك ەدى. الايدا قاجەتتى ءتيىستى قۇجاتتارعا ناقتى قول قويۋ شارالارى ءۇش ايدان التى ايعا دەيىن جالعاسۋى مۇمكىن.

ورالماعامبەتوۆتىڭ ايتۋىنشا، قازىرگى ۋاقىتتا قازاقستاندىق تاراپ بايقوڭىر عارىش ايلاعىنىڭ 42، 43، 45-الاڭدارىنا 212 نىسان قابىلدادى. جۋىردا تاعى 31 نىسان ەل مەنشىگىنە وتپەك.

«زەنيت» ينفراقۇرىلىمىن العان سوڭ قازاقستان بيلىگى «بايقوڭىر» عارىش ايلاعىنان زىمىران ۇشىرۋدى دامىتا بەرمەك.

رەسەي قازاقستاننىڭ بايقوڭىر قالاسىن جانە عارىش ايلاعىن جالعا العان. اۋماقتىڭ جالپى كولەمى 6 717 شارشى شاقىرىمدى قۇرايدى.