وقو-دا كامەلەتكە تولماعان ءجاسوسپىرىم التى جاستاعى بالاعا سەكسۋالدى زورلىق كورسەتتى دەگەن كۇدىككە ىلىكتى، دەپ حابارلايدى Qamshy.kz اقپارات اگەنتتىگى.

وقيعا 4 ماۋسىمدا وقو-نىڭ قاراتاۋ اۋدانىندا بولعان.

وقو ءىىد-نىڭ باسپا ءسوز قىزمەتىنىڭ مالىمەتىنە سۇيەنسەك، وقيعا قاراتاۋ ىىب-دە تىركەلگەن. ق ر قىلمىستىق كودەكسىنىڭ «سەكسۋالدىق سيپاتتاعى زورلىق-زومبىلىق ارەكەتى» بابىنا سايكەس الدىن الا تەرگەۋ باستالدى.

«كۇدىكتى انىقتالدى. ساراپتاما جۇرگىزىلەدى. كۇدىكتى دە زارداپ شەككەن دە  -  بالالار»، - دەپ مالىمدەدى پوليسيا.

قۇقىق قورعاۋ ورگاندارىندا كامەلەت جاسىنا تولماعان كۇدىكتىنىڭ اتا-اناسىنىڭ قامقورلىعىندا ەكەندىگى ايتىلدى.

«ونى پوليسياعا جەتكىزدە، وعان قوسا وسى قىلمىستىق ءىس بويىنشا بارلىق قاجەتتى تەرگەۋ امالدارى جۇرگىزىلدى»، - دەپ حابارلادى ءىىد.

ەستەرىڭىزگە سالساق، ناۋرىز ايىندا جەلىدە جەتى جاستاعى بالاعا جىنىستىق زورلىق كورسەتىلگەنى تۋرالى حابار تاراعان. وقيعا كوپتىڭ تالقىسىنا ءتۇسىپ، جۋىردا پرەزيدەنت نۇرسۇلتان نازاربايەۆ اتالمىش جاعدايعا قاتىستى پىكىر ءبىلدىردى.