قالامىزداعى تۇيەمويناق ارالىندا سەمەي مەكتەپ ليگاسى پىكىر سايىسشىلارىنىڭ دوستىق قارىم-قاتىناسىن نىعايتۋ جانە تاجىريبە الماسۋ ماقساتىندا ءداستۇرلى «بىرلىگىمىز جاراسقان» اتتى ميكس پىكىر-سايىس ءتۋرنيرى اشىق اسپان استىندا ءوتتى.

تارتىسقا تولى دودا «ميكس» فورماتىندا وتكەندىكتەن، فراكسيالاردى تاڭداۋ جەرەبە تارتۋ ارقىلى انىقتالدى. بارلىق راۋندتار امەريكالىق پارلامەنتتىك پىكىر-سايىس فورماتىندا(اپف) ويناتىلدى. قاتىسۋشىلار سايىس بارىسىندا «ب.پ ادام ارمانداماسا باقىتتىراق بولادى دەپ ەسەپتەيدى»، «ب.پ شۇكىرشىلىك ەتۋ ءپرينسيپى قازاقتاردىڭ باستى قاتەلىگى بولىپ سانالادى»، «ب.پ ق ر تەڭگەسىنىڭ ديزايىنىن قولدايدى» دەگەن تاقىرىپتاردى تالقىلاپ، كوزقاراستارىن ورتاعا سالدى.

جارىستىڭ قورىتىندىسىنا سايكەس، بينۇر تۇرىسبەكوۆا مەن ادەما قادىلبەكوۆا جەڭىس تۇعىرىنىڭ ەڭ بيىك ساتىسىنا كوتەرىلىپ، كۋبوكتى قانجىعالارىنا بايلادى. سونداي-اق ويناۋ ستيلدەرىمەن ەرەكشەلەنگەن اياۋلى مامىتوۆا جانە اقبوتا سەريككازينوۆا ءىى ورىندى يەلەنسە، ال ۇزدىك ۇشتىكتى 32 مەكتەپتىڭ وقۋشىلارى ءامىر ءومىرجانوۆ پەن گۇلدەن ءجۇنىسقازى قىزى قورىتىندىلادى. جەكە سپيكەرلەر اراسىندا، ياعني لينكولن-دۋگلاس (لد) فورماتى بويىنشا، بينۇر تۇرىسبەكوۆا «ەڭ ۇزدىك سپيكەر» نوميناسياسىن جەڭىپ الدى.