وسكەمەندە «قايراتتى جاستار-2018» اتتى جۇمىسشى جاستار بايقاۋى ءوتتى. وعان قاتىسۋشىلار ءان مەن بيدەن شاشۋ شاشىپ، سپورتتان دا قۇر الاقان ەمەستىگىن كورسەتتى.

مۇنداي فورماتتا بەسىنشى رەت ۇيىمداستىرىلىپ وتىرعان بايقاۋعا وبلىسىمىزدىڭ ءىرى كاسىپورىندارى مەن زاۋىتتارىندا ەڭبەك ەتەتىن جۇمىسشى جاستار قاتىسىپ، سپورتتىق سايىستار مەن ونەر بايقاۋىندا ب ا ق سىناستى. جالپى، بايقاۋعا وبلىستاعى ءىرى زاۋىت پەن كاسىپورىننىڭ كوماندالارى قاتىستى. اتاپ ايتقاندا، «وسكەمەن تيتان-ماگنيي كومبيناتى»، «ازيا اۆتو»، «ءۇلبى مەتاللۋرگيالىق زاۋىتى» سياقتى ءوندىرىس ورىندارىنىڭ كوماندالارى مەن بانك قىزمەتكەرلەرى قاتىستى.

بايقاۋدىڭ قورىتىندىسى بويىنشا «ۇزدىك شىعارماشىلىق باعدارلاما» جانە «بىرلىگى جاراسقان ۇجىم»، سونداي-اق «جاستار تاڭداۋى» اتالىمدارى بويىنشا «وسكەمەنتيتان-ماگنيي كومبيناتى» ماراپاتتالدى. ايتا كەتۋ كەرەك، «جاستار تاڭداۋى» اتالىمى الەۋمەتتىك جەلىدەگى جاستاردىڭ داۋىس بەرۋى ارقىلى انىقتالدى. ال «كاسىپورىنداعى ۇزدىك جاستار ۇيىمى» اتالىمىنا ءۇلبى مەتاللۋرگيالىق زاۋىتىنىڭ كومانداسى لايىق دەپ تانىلسا، «ۇزدىك جانكۇيەر» اتالىمىن «ازيا اۆتو» كاسىپورنى جەڭىپ الدى. بايقاۋ بارىسىندا زاماناۋي اندەردى شىرقاپ، كورەرمەن قاۋىمنىڭ كوڭىلىنەن شىققان پاۆلودارلىق ازامات ۋزدايەۆ پەن وسكەمەندىك ەركەجان مۇسايەۆا كەشتىڭ حانزاداسى مەن حانشايىمى اتاندى. جەڭىمپاز كوماندالارعا قارجىلاي سىيلىقتار تابىس ەتىلدى.