وبلىس اكىمى دانيال احمەتوۆتىڭ پىكىرىنشە، وڭىردەگى بارلىق قوعامدىق كولىكتەر مۇمكىندىگى شەكتەۋلى جاندارعا ارنالعان قۇرالدارمەن قاجەتىنشە جابدىقتالۋى ءتيىس.
بۇگىن وبلىس اكىمدىگىندە وتكەن جيىندا شقو جۇمىسپەن قامتۋ جانە الەۋمەتتىك باعدارلامالاردى ۇيلەستىرۋ باسقارماسىنىڭ باسشىسى ەلەنا ستارەنكوۆا ايماقتاعى اۆتوبۋستاردىڭ ەشقايسىسى كەمباعال جاندارعا وڭتايلى قىزمەت كورسەتۋگە دايىن ەمەستىگىن ايتتى. مامانداردىڭ ويىنشا، قوعامدىق كولىكتەردى مۇگەدەك جاندارعا ىڭعايلى ەتۋ ءۇشىن، بۇل ماسەلەنى تەندەر تالاپتارىنا ەنگىزۋ كەرەك.
-بۇل ماسەلە تەندەر تالاپتارىنا ەنگىزىلىپ قويعان. اتالعان تالاپ ورىندالماسا قاتىسۋشىنىڭ ۇپايى تومەندەتىلەدى،-دەدى شقو جولاۋشىلار تاسىمالى جانە اۆتوموبيل جولدارى باسقارماسىنىڭ باسشىسى اسەت سۇلتانوۆ.
الايدا، وبلىس اكىمى دانيال احمەتوۆ بۇل تالاپتاردىڭ ەشقانداي ناتيجە بەرمەي جاتقاندىعىن ايتتى.
-قالا كوشەلەرىنە شىعىپ قاراپ كورىڭىزدەر، مۇمكىندىگى شەكتەۋلى ادامداردىڭ اۆتوبۋستارعا وتىرۋى وتە قيىن. اۆتوبۋستاردى قاجەتتى قۇرالدارمەن قامتاماسىز ەتۋ ءۇشىن تەندەردىڭ تالاپتارىن وزگەرتۋ كەرەك،-دەدى وبلىس اكىمى.
