وبلىستىڭ تۇراقتاندىرۋ قورىنا 450 ملن تەڭگەگە جۋىق سوماعا 7،5 مىڭ توننا كوكونىس ونىمدەرى ساتىپ الىندى. وسى جىلى الەۋمەتتىك ماڭىزداعى تاۋارلاردىڭ تىزىمىنە قىزىلشا كىرگىزىلمەگەن ەكەن.

2018 جىلدىڭ قاراشا ايىنان باستاپ 2019 جىلدىڭ مامىرىنا دەيىن تۇراۇتاندىرۋ قورىنىڭ وسكەمەن مەن سەمەيدەگى ساۋدا ورىندارى كارتوپ پياز، ورامجاپىراق جانە ءسابىز كوكونىستەرىن ساتىپ باستايدى. جەرگىلىكتى اۋىل شارۋاشىلىق ونىمدەرىن وندىرۋشىلەردەن تاۋارلىق بيرجا ارقىلى فيۋچەرستىك ساتىپ الۋ جۇرگىزىلىپ قويدى. وسكەمەنگە — 3300 توننا، سەمەيگە – 4200 توننا كوكونىس الىندى،

ء-ساۋىر ايىندا ءبىز 70 پايىز مولشەرىندە الدىن الا تولەم جاسادىق. قالعانى ءونىم تولىق جەتكىزىلگەننەن كەيىن تولەنەدى. ءونىمدى تۇراقتاندىرۋ قورىنا جەتكىزۋ ۋاقىتى – وسى جىلدىڭ 30 قازانىندا. كوكونىستەر كوميسسيا ۇسىنىپ، اكىمدىك بەكىتكەن باعا مەن كەستە بويىنشا ساتىلاتىن بولادى، — دەپ حابارلادى «ەرتىس» اكك» اق باسقارماسىنىڭ ءتوراعاسى انتون كرامارەنكو.

2017-2018 جىلعا الىنعان كوكونىس ونىمدەرى تولىق وتكىزىلگەن ەكەن. تۇراقتاندىرۋ قورىنىڭ 109 ساۋدا ورنىندا تومەن باعامەن 3650 توننا كارتوپ، 1550 توننا ورامجاپىراق، 250 توننا قىزىلشا، 1150 توننا پياز، 900 توننا ءسابىز ساتىلىپتى.