اباي اۋدانىنىڭ 90 جىلدىعىنا وراي قاراۋىلدا ۇلى اقىنعا ارنالعان ەسكەرتكىش بوي كوتەرمەك. وعان اۋداننان شىققان بەدەلدى ازاماتتار مەن كاسىپكەرلەر قارجىلاي قولداۋ كورسەتەمىز دەپ وتىر.

بۇگىندە ەسكەرتكىشكە قاراجات جيناۋ ماقساتىندا «پارىز» قوعامدىق قورى اشىلعان. اۋداندىق ءماسليحات حاتشىسى ەرلان لديبايەۆتىڭ ايتۋىنشا، قولادان جاسالاتىن اتالمىش نىساننىڭ سمەتالىق قۇنى 15 ميلليون تەڭگەنى قۇراعان.

-ۇلتىمىزدىڭ رۋحاني اعارتۋشىسى، حالقىنا ماڭگى وشپەس مۇرا قالدىرىپ، قازاق ادەبيەتىن الەمدىك دەڭگەيدە مويىنداتقان ويشىل ابايعا تاعزىم ەتۋ – باستى پارىزىمىز. سول سەبەپتەن ءبىز ۇلى اقىننىڭ شىعارماشىلىعىن ناسيحاتتاۋ ماقساتىندا ءالى تالاي شارۋا اتقاراتىن بولامىز، — دەيدى ەرلان لديبايەۆ.

ايتا كەتەيىك، «جۇمىلا كوتەرگەن جۇك جەڭىل» دەپ سانايتىن ابايلىقتار ەسكەرتكىشتى سالۋعا ءبىر كۇندىك جالاقىلارىن اۋدارىپ بەرمەك. بۇدان بولەك بيىل قاراۋىلداعى ورتالىق الاڭ اباتتاندىرىلىپ، اۋداندا بۇرىن سوڭدى بولماعان اۋەندى سۋبۇرقاق سالىنادى دەپ جوسپارلانۋدا.