بيىل شقو اكىمدىگى 200 جاڭا اۆتوبۋس ساتىپ الۋدى جوسپارلاپ وتىر، ازىرگە ول اۆتوبۋستارعا كىم يەلىك ەتەتىنى جانە حالىق يگىلىگىنە جاراتۋ ءۇشىن كىمگە تاپسىرىلاتىنى بەلگىسىز.
وبلىس اكىمىنىڭ ايتۋىنشا، وسكەمەندەگى ەڭ ۇلكەن ماسەلەلەردىڭ ءبىرى – قوعامدىق كولىكتەردەگى جول اقىنىڭ قىمباتتىعى.وسى باعاعا سايكەس جولاۋشى تاسمالداۋشى مەكەمەلەر ءوز تەحنيكالارىن جاڭارتپاعان.
-وسكەمەندەگى قوعامدىق كولىكتەردىڭ جولاقىسى ەلىمىزدەگى ەڭ قىمبات تاريف. بۇل استانا، الماتى قالالارىمەن بىردەي. ال ءبىزدىڭ كەيبىر اۆتوبۋس پاركتەرىنىڭ يەلەرى جولاقىنى تاعى دا كوتەرگىسى كەلەدى. ولاردىڭ تەحنيكالارى ەسكى، كوشەدەگى قوعامدىق كولىكتەردىڭ قوزعالىس كەستەسىن دە ساقتامايدى سول سەبەپتەن ولاردىڭ باعانى كوتەرۋگە ەشقانداي مورالدىق قۇقىقتارى جوق،-دەدى دانيال احمەتوۆ.
بيىل وسى ماسەلە تولىعىمەن شەشىلەدى دەپ جوسپارلانعان. ەۋروپالىق بانكتىڭ كومەگىمەن وسكەمەن جانە سەمەي قالالارىنا 200-دەن استام اۆتوبۋس اكەلىنبەك. كۇزدە بۇل ماسەلە تولىعىمەن شەشىلەدى.
ولار باسەكەگە قابىلەتتى باعامەن جۇمىس ىستەيتىن بولادى، ءبىز مۋنيسيپالدىق اۆتوبۋس پاركىن قۇرامىز نەمەسە جاڭا تەحنيكانى قالا تۇرعىندارىنىڭ يگىلىگىنە جۇمىس ىستەي الاتىن كاسىپكەرلەرگە تاپسىرامىز،-دەدى شقو اكىمى.
سونىمەن بىرگە اۆتوبۋستىڭ ىڭعايلى ءتۇرى دە قارالۋ ۇستىندە، ياعني كادىمگى جانارمايمەن جۇرەتىن اۆتوبۋستار ما، الدە وسكەمەندە سىناقتان ءوتىپ جاتقان ەلەكتروبۋستار ما؟
-ماعان ەلەكتروبۋستار ۇنادى. شىعىنى بىرنەشە ەسەگە از، تەك ساتىپ الۋ قۇنى قىمبات، ءبىراق ول ءوزىن-وزى اقتايدى،-دەدى اكىم.
ايماق باسشىسى، سونىمەن قاتار الداعى ۋاقىتتا ەلەكتروندى بيلەت ماسەلەسى دە قارالىپ، ءوز شەشىمىن تاباتىنىن ايتتى.
