اۋرۋحانا ستاتۋسى مەن اتاۋىنىڭ وزگەرۋىنە مۇندا اكەلىنگەن زاماناۋي قۇرال-جابدىقتار سەبەپ بولىپ وتىر. سونىمەن قاتار بۇل جەردە ەندى بۇكىل وبلىستان كەلگەن ناۋقاستارعا قىزمەت كورسەتىلەتىن بولادى.
بۇل تۋرالى وبلىستىق اكىمدىكتە وتكەن كەزەكتى جيىندا وبلىس باسشىسى دانيال احمەتوۆ ايتتى.
ء-دال وسى اۋرۋحانا كەشەنىندە ەلىمىزدەگى ەڭ تۇڭعىش روبوتوحيرۋرگيا ورتالىعى جۇمىس ىستەي باستادى. ەندى ءبىزدىڭ دارىگەرلەر بىلىكتىلىكتەرىن ودان سايىن ارتتىرا ءتۇسۋى قاجەت، ول ءۇشىن شەتەلدەن بىلىمدەرىن تولىقتىرۋى كەرەك،-دەدى د.احمەتوۆ.
وبلىستىق دەنساۋلىق ساقتاۋ باسقارماسىنىڭ باسشىسى مارات شورانوۆتىڭ ايتۋىنشا، وسكەمەننىڭ №1 اۋرۋحاناسى زاماناۋي مەديسينالىق قۇرالدارمەن جابدىقتالۋى جاعىنان وبلىستا عانا ەمەس، رەسپۋبليكا كولەمىندە دە الدىڭعى قاتارلاردىڭ بىرىندە ەكەن.
-مەكەمەگە جاڭا ستاتۋس بەرىلۋى كەرەك. ونىڭ قازىرگى جۇمىس بابىنداعى اتاۋى دا دايىن تۇر – وبلىستىق مامانداندىرىلعان مەديسينالىق ورتالىق،-دەيدى باسقارما باسشىسى.
