وسىدان جيىرما جىل بۇرىن قالامىزداعى قازاق گۋمانيتارلىق-زاڭ يننوۆاسيالىق ۋنيۆەرسيتەتى قۇرىلعان بولاتىن. قازىرگى تاڭدا بۇل ءبىلىم ورداسىن بىتىرگەن تالاي ازاماتتار حالقىنا ەلەۋلى قىزمەت ەتىپ، ءارتۇرلى سالانىڭ ناعىز مايتالماندارى بولىپ وتىر. بۇگىنگى كۇنگە دەيىن شەتەلدىڭ كوپتەگەن وقۋ ورىندارىمەن ينتەگراسيانى نىعايتىپ، ستۋدەنتتەردىڭ ءبىلىم ساپاسىنا باستى نازار اۋدارىپ كەلەدى. بيىل ءدال وسى ۋنيۆەرسيتەتتىڭ جيىرما جىلدىعى كەڭ كولەمدە اتاپ ءوتۋ ءۇشىن ءبىرقاتار شارالاردى وتكىزۋ جوسپارلانعان بولاتىن. وسىعان وراي تۇلەكتەرگە ديپلوم تابىستاۋ ءراسىمى دە وزگەشە ءوتتى.

ورتالىق الاڭدا قازاقستان ەستراداسىنىڭ جارىق جۇلدىزدارىنىڭ قاتىسۋىمەن «Open air party KazGUIU» اتتى مەرەكەلىك كونسەرت ۇيىمداستىرىلدى. كەش بارىسىندا ەرماك ءسالىموۆ جانە دە شاھارىمىزدىڭ وزگە دە لاۋازىمدى تۇلعالارى ءتۇرلى ماماندىقتاردا وقىعان 700-گە جۋىق جاستارىمىزدىڭ بارلىعىنا كوپتەن كۇتكەن ديپلومدارىن قولدارىنا ۇستاتىپ، الداعى ومىرلەرىنە تەك ساتتىلىك تىلەدى.

قۋانىشقا تولى كەشتىڭ ودان ارى اجارلانا ءتۇسۋ ءۇشىن ءالي وقاپوۆ، مارجان اراپبايەۆا، ەربولات قۇدايبەرگەنوۆ وزدەرىنىڭ حيت اندەرىن ورىنداپ، بارشا قالا تۇرعىندارىنا ەرەكشە اتموسفەرا سىيلادى.