اتىراۋ وبلىسىنىڭ سوتى سەگىز جىل بۇرىن اسا اۋىر قىلمىس جاساعان ا.كۋجانازاروۆ ەسىمدى ازاماتقا ۇكىم شىعاردى، دەپ حابارلايدى Qamshy.kz اقپارات اگەنتتىگى. 

2010 جىلى كۋجانازاروۆ ايدا ەسىمدى تانىسىن ىزدەپ اتىراۋعا كەلەدى. الايدى تانىسى ءۇش بالاسى بار تۇرمىستاعى ايەل بولىپ شىعادى.

ا.كۋجانازاروۆ تارازعا قايتۋعا بەل بۋىپ، ايداعا ءوزىن شىعارىپ سالۋدى وتىنگەن. جولعا ماس كۇيىندە شىققان ول ايەلگە الدىمەن بار وكپەسىن ايتىپ، ارتىنشا ونى  19 جەرىنەن پىشاقتايدى. تانىسىن ءولتىرىپ العانىن تۇسىنگەن ازامات پويىزعا وتىرىپ ءۇن-تۇنسىز قالادان كەتىپ قالعان.

تۋعان جەرىنە كەلگەن ا.كۋجانازاروۆ اۋەلى تامىرىن كەسىپ، ومىرىمەن قوش ايتىسپاق بولعان. كەيىنىرەك قىس ورتاسىندا ماس كۇيىندە دالادا قالىپ، دەنەسىن ۇسىك شالىپ، بىردەن ەكى اياعىنان ايىرىلعان. مۇگەدەك بولىپ قالعان سوڭ، ارادا سەگىز جىل ۋاقىت ءوتىپ، جاساعان قىلمىسىن مويىنداۋ ءۇشىن اتىراۋ قالاسىنا كەلگەن.

قىلمىستىق ءىس اتىراۋ وبلىسىنىڭ قىلمىستىق ىستەر بويىنشا اۋدانارالىق مامانداندىرىلعان سوتىندا قارالدى.

سوت ا.كۋجانازاروۆتىڭ جاساعان قىلمىسىن ءوزى مويىنداپ كەلگەنىن ەسكەردى. قىلمىسكەرگە «كىسى ءولتىرۋ» بابى بويىنا سەگىز جىل باس بوستاندىعىنان ايىرۋ جازاسى تاعايىندالدى. سوتتالۋشى جازاسىن قاتاڭ رەجيمدى كولونيادا وتەيتىن بولادى.