ياندەكس.كارتالار جانە ياندەكس.ناۆيگاتوردىڭ دەرەكتەرى بويىنشا 2017ء-شى جىلدىڭ قاڭتار-جەلتوقسان ايلارى اراسىندا الماتىدا ءجيى كولىك اپاتى بولعان جەرلەردى سارالادى، دەپ جازادى Qamshy.kz اقپارات اگەنتتىگى.
جول-كولىك اپاتى ەڭ كوپ بولاتىن جانە ەڭ ءقاۋىپتى كوشەلەردى انىقتاۋ ءۇشىن الماتىنىڭ كارتاسى 100 مەترلىك شەتتەرى بار كۆادراتتارعا ءبولىندى. جول-كولىك اپاتى ەڭ كوپ بولاتىن كوشەلەر جۇرگىزۋشىلەر اپات جايىندا ەڭ كوپ قالدىرعان بەلگىلەر بويىنشا سانالدى. ال ەڭ ءقاۋىپتى جەرلەر بەلگى سانىنىڭ ناۆيگاتور قوسىلۋ كۇيدە كۆادرات ارقىلى ءجۇرۋ سانىنا قاتىناسى ەڭ جوعارعى بولعان جەرلەر بولىپ شىقتى.
قالاداعى جول-كولىك اپاتى ەڭ كوپ بولاتىن جەرلەر ۇلكەن جول جەلىلەرىندە ورنالاسقان. ونىڭ ىشىندە تاشكەنتسكيي تراكت، ساين كوشەسى (اسىرەسە تۋننەلى بار جەرلەر)، رىسقۇلوۆ، رايىمبەك جانە ءال-فارابي داڭعىلىن ايرىقشا اتاۋعا بولادى. جول اپاتتارى قالانىڭ وڭتۇستىگى مەن شىعىسىنا قاراعاندا، كوبىنەسە سولتۇستىك پەن باتىسىندا كوپ بەلگىلەنەدى.
جول-كولىك اپاتى ءقاۋپى كوبىنەسە قالانىڭ سولتۇستىگى مەن باتىسىندا ارنالاسقان جول قيىلىستارىندا اسا جوعارى. ونىڭ ىشىندە رىسقۇلوۆ جانە رايىمبەك داڭعىلى، تاشكەنتسكيي تراكت، ساين كوشەسىن تاعى دا اسا ءبولىپ ايتۋعا بولادى. ەڭ ءقاۋىپتى جەرلەر الماتىنىڭ سولتۇستىگىندە – ون جەردىڭ ىشىندە التىسى رىسقۇلوۆ پەن رايىمبەك داڭعىلىندا تۇر. جول-كولىك اپاتى ەڭ كوپ بولعان جانە ەڭ ءقاۋىپتى جەرلەر تىزىمىندەگى ءبىرىنشى ەكى ورىن بىردەي بولىپ شىقتى. ول تاشكەنتسكيي تراكت جولىنىڭ قالادان شىعا بەرگەندە التىن وردا بازارىنىڭ جانىنداعى بولىگى جانە رىسقۇلوۆ داڭعىلى مەن ىرىستى كوشەسىنىڭ قيىلىسى. سونداي-اق ەكى تىزىمگە رىسقۇلوۆ داڭعىلىنداعى تاعى ءبىر جول بولىگى كىردى – ول ءسۇيىنباي داڭعىلىنىڭ قيىلىسى.
| 2017ء-شى جىلى الماتىدا جول-كولىك اپاتى ەڭ كوپ بولعان 10 جەر | 2017ء-شى جىلى الماتىداعى ەڭ ءقاۋىپتى 10 جەر | |
|---|---|---|
| ەكى تىزىمگە دە ەنگەن جەرلەر ءبولىنىپ كورسەتىلىپ تۇر | ||
| 1. تاشكەنتسكيي تراكت جولىنىڭ بولىگى «اپورت مولل» مەن التىن وردا امبەباپ بازارىنىڭ ارالىعىندا | 1. تاشكەنتسكيي تراكت جولىنىڭ بولىگى «اپورت مولل» مەن التىن وردا امبەباپ بازارىنىڭ ارالىعىندا | |
| 2. رىسقۇلوۆ داڭعىلى مەن ىرىستى كوشەسىنىڭ قيىلىسى | 2. رىسقۇلوۆ داڭعىلى مەن ىرىستى كوشەسىنىڭ قيىلىسى | |
| 3. ساين مەن شالياپين كوشەلەرىنىڭ قيىلىسى | 3. جۇمابايەۆ پەن سيەۆەرنوە كولسو كوشەلەرىنىڭ قيىلىسى | |
| 4. رايىمبەك داڭعىلىنىڭ بولىگى بوكەيحانوۆ پەن بايزاقوۆ كوشەلەرىنىڭ ارالىعىندا | 4. تاشكەنتسكيي تراكتتىڭ بولىگى «گازپرومنەفت» جانارماي قۇيۋ بەكەتتەرى ارالىعىندا | |
| 5. ءال-فارابي داڭعىلىنىڭ بولىگى حودجانوۆ كوشەسى مەن Villa Boutiques & Restaurants ساۋدا ورتالىعىنىڭ ارالىعىندا | 5. رايىمبەك داڭعىلى مەن بوكەيحانوۆ كوشەسىنىڭ جول ايىرىعى | |
| 6. رايىمبەك پەن ساكەن سەيفۋللين داڭعىلى قيىلىسى | 6. رايىمبەك داڭعىلى مەن باۋىرجان مومىش ۇلى كوشەسىنىڭ جول ايىرىعى | |
| 7. ساين كوشەسىنىڭ جۇبانوۆ كوشىسى قيىلىسىنا جەتپەي جانە وتكەندەگى جول بولىگى | 7. رىسقۇلوۆ پەن ءسۇيىنباي داڭعىلىنىڭ جول ايىرىعى | |
| 8. رىسقۇلوۆ پەن ءسۇيىنباي داڭعىلىنىڭ جول ايىرىعى | 8. بوكەيحانوۆ كوشەسى رىسقۇلوۆ پەن رايىمبەك داڭعىلىنىڭ ارالىعىندا | |
| 9. رىسقۇلوۆ داڭعىلى مەن نەميروۆيچ-دانچەنكو كوشەسىنىڭ قيىلىسى | 9. رايىمبەك داڭعىلىنىڭ بولىگى كوپىر مەن ەمسوۆ كوشەسىنىڭ ارالىعىندا | |
| 10. ساين كوشەسىنىڭ جاندوسوۆ كوشەسى قيىلىسىنا جەتپەي جانە وتكەندەگى جول بولىگى | 10. رىسقۇلوۆ داڭعىلىنىڭ بولىگى بوتاقارا جانە سوقپاقبايەۆ كوشەلەرىنىڭ ارالىعىندا | |
ياندەكس.كارتالار جانە ياندەكس.ناۆيگاتوردىڭ دەرەكتەرى بويىنشا، قاڭتار-جەلتوقسان، 2017ء-شى جىل
الماتىنىڭ جولدارى جىلۋدىڭ كەلۋىمەن، ناۋرىز ايىندا، سونىمەن قاتار شىلدەدە، دەمالىس ماۋسىمى باستالعان كەزدە اسا ءقاۋىپسىز. وسى ايلاردا جول-كولىك اپاتى تۋرالى حابارلامالار مىڭ ەسە از بولادى. تامىز بەن قىركۇيەك ايلارىندا كورسەتكىشتەر قايتادان كوتەرىلىپ، جىلدىڭ سوڭىنا دەيىن جولداردا جوعارى ءقاۋىپتى كورسەتەدى. جىل ىشىندەگى ەڭ قاربالاس كەز قىركۇيەكتىڭ ورتاسىنا ءتۇسىپ وتىر. ەڭ ءقاۋىپتى جانە جول-كولىك اپاتى ەڭ كوپ بولاتىن جەرلەردىڭ ينتەراكتيۆتى كارتالارىن «اۆتوموبيلنىە اۆاريي ۆ الماتى» اتتى زەرتتەۋدىڭ تولىق نۇسقاسىنان قاراڭىزدار.
