6 ماۋسىمدا قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى، تەك باتىستا اتموسفەرالىق اعىنداردىڭ وتۋىنە بايلانىستى كەي جەرلەردە وتكىنشى نايزاعايلى جاڭبىر جاۋادى. كەي جەرلەردە جەل كۇشەيىپ، سولتۇستىكتە تۇندە جانە تاڭەرتەڭ تۇمان كۇتىلەدى، دەپ حابارلايدى قازگيدرومەت. 

سولتۇستىك قازاقستان وبلىسىنىڭ كەي جەرلەرىندە كۇندىز جەل 15-20 م/س، ەكپىنى 23 م/س كۇشەيىپ، كەي جەرلەردە تۇندە جانە تاڭەرتەڭ تۇمان كۇتىلەدى.

اقمولا، ماڭعىستاۋ وبلىستارىنىڭ كەي جەرلەرىندە جەلدىڭ جىلدامدىعى 15-20 م/س-كە  ۇدەيدى.

كۇندىز باتىس قازاقستان، اتىراۋ، اقتوبە، قوستاناي، شىعىس قازاقستان، جامبىل وبلىستارىنىڭ كەي جەرلەرىندە جەل 15-20 م/س كۇشەيەدى.

كۇندىز قىزىلوردا، اتىراۋ، قاراعاندى وبلىستارىنىڭ كەي جەرلەرىندە اپتاپ ىستىق كۇتىلەدى.

ماڭعىستاۋ، اتىراۋ، قىزىلوردا وبلىستارىنىڭ باسىم بولىگىندە، باتىس قازاقستان، اقتوبە، وڭتۇستىك قازاقستان، جامبىل، شىعىس قازاقستان وبلىستارىنىڭ كەي جەرلەرىندە وتە جوعارى ءورت ءقاۋپى كۇتىلەدى.