شىعىس قازاقستان وبلىسى ۆولەيبولدان الەم چەمپيوناتىن دا وتكىزۋگە دايىن. بۇل تۋرالى بۇگىن وبلىس اكىمىنىڭ جۇلدەسى ساراپقا سالىناتىن كەزەكتى، ءححى حالىقتىق سپورت ويىندارىنىڭ اشىلۋ سالتاناتىندا ايماق باسشىسى دانيال احمەتوۆ مالىمدەدى.
– ءبىزدىڭ وبلىستان كوپتەگەن رەسپۋبليكالىق جانە حالىقارالىق جارىستاردىڭ، الەم چەمپيوناتتارى مەن وليمپيادا ويىندارىنىڭ جەڭىمپازدارى، جۇلدەگەرلەرى شىققان. ولاردىڭ ىشىندە ولگا رىپاكوۆا، ايبەك نۇعىماروۆ، دەنيس ۋلانوۆ پەن الەكسەي پولتورانين سياقتى ساڭلاقتار بار. وبلىستا بۇقارالىق سپورتتىڭ دامۋىنا ايرىقشا كوڭىل ءبولىنىپ كەلەدى. ءوڭىر تۇرعىندارىنا ءۇش مىڭنان استام سپورتتىق نىسان مەن سەكسيالار قىزمەت كورسەتۋدە. شىعىسقازاقستاندىقتاردىڭ سپورتتىڭ 94 تۇرىمەن، ونىڭ قىرقى — وليمپيادالىق سپورت، اينالىسۋعا مۇمكىندىكتەرى بار. وسىنداي اۋقىمدى جۇمىستىڭ ارقاسىندا سوڭعى جىلدارى سالاۋاتتى ءومىر سالتىن ۇستاناتىن جەرلەستەرىمىزدىڭ قاتارى كوبەيە ءتۇستى. بيىلدىڭ وزىندە عانا سپورتشىلارىمىز رەسپۋبليكالىق جانە حالىقارالىق جارىستاردان 682 مەدال الىپ قايتتى. ساڭلاقتارىمىز الداعى بايراقتى باسەكەلەردە دە نامىستى قولدان بەرمەيدى دەپ سەنەمىز. ال ءوز تاراپىمىزدان ءوڭىر سپورتىنا بۇدان بىلاي دا جان-جاقتى قولداۋ كورسەتە بەرەتىن بولامىز، – دەگەن وبلىس اكىمى وسىمەن 21ء-شى رەت وتكىزىلىپ وتىرعان حالىقتىق ويىندارعا قاتىسۋشىلاردى جارىستىڭ باستالۋىمەن قۇتتىقتاپ، ولارعا ساتتىلىك پەن جەڭىس تىلەدى.
ايماق باسشىسى ءوز سوزىندە از ۋاقىتتىڭ ىشىندە وبلىس ماقتانىشىنا اينالىپ ۇلگەرگەن «Altay athletics» كاسىبي جەڭىل اتلەتيكا كلۋبى مەن «التاي» ۆولەيبول كلۋبىنىڭ جەتىستىكتەرىن اتاپ ءوتتى. بيىل وسىمەن ەكىنشى رەت ۆولەيبولدان قىزدار كوماندالارى اراسىنداعى كلۋبتىق ازيا چەمپيوناتىن قابىلداعالى وتىرعان شىعىس قازاقستان وبلىسىنىڭ بولاشاقتا الەم بىرىنشىلىگىن دە وتكىزۋگە قاۋقارى جەتەتىنىن مالىمدەدى.
سالتاناتتى جيىن بارىسىندا وبلىس اكىمى پحەنچحاندا وتكەن قىسقى وليمپيادا ويىندارىنىڭ قولا جۇلدەگەرى، فريستايلشى يۋليا گالىشيەۆاعا دا ەرەكشە قۇرمەت كورسەتتى. ءتورت جىلدىقتىڭ باستى دوداسىندا ەل قورجىنىنا جالعىز جۇلدە سالعان يۋليا ءوڭىر باسشىسى مەن دەمەۋشىلەر اتىنان ءبىر بولمەلى پاتەر، 16 ميلليون تەڭگەنىڭ سەرتيفيكاتى جانە «پەجو» ماركالى سۋجاڭا اۆتوكولىكتىڭ كىلتىنە يە بولدى. سونىمەن قاتار ماراپاتتان گالىشيەۆانىڭ باپكەرى ەلەنا كرۋگلىحينا مەن وڭتۇستىك كورەياداعى وليمپيادا ويىندارىنا قاتىسقان تاعى ءبىر فريستايلشى پاۆەل كولماكوۆ تا قۇر قالعان جوق. ولاردىڭ ەكەۋىنە دە قىزمەتتىك پاتەردىڭ كىلتتەرى تابىس ەتىلدى.
ءدال وسىدان كەيىن وسكەمەندەگى ولگا رىپاكوۆا اتىنداعى جەڭىل اتلەتيكا مانەجىنە جينالعان سپورت سۇيەر قاۋىمنىڭ نازارىنا تاماشا كونسەرتتىك باعدارلاما ۇسىنىلدى. سونداي-اق جانكۇيەرلەر حالىقتىق ويىندارعا قاتىسۋشى كوماندالاردىڭ سالتاناتتى شەرۋىن تاماشالاپ، ت-رت كۇن بويى جارىساتىن سپورتشىلارعا قوشەمەت كورسەتتى.
ايتا كەتەيىك، بيىلعى سپارتاكيادا باعدارلاماسىنا 20 سپورت ءتۇرى ەنگىزىلىپتى. وبلىسىمىزدىڭ تۇكپىر-تۇكپىرىنەن جينالعان جاسى 18-دەن اسقان سپورتشىلار 170 مەدال جيىنتىعىن ساراپقا سالماق.
