ءۇشىنشى ماۋسىمدا اتىراۋدىڭ ەليەۆاتور اۋدانىندا جانتۇرشىگەرلىك اپات بولدى. بۇل جايىندا موي گورود جازدى.
اپاتتان 20 جاستاعى اتىراۋدىڭ تۇرعىنى ميحايل توچيلين مەن 28 جاستاعى سەرگەي يزيۋمنيكوۆ كوز جۇمدى. ەكى جىگىت موتوسيكلمەن ۇيلەرىنە قايتىپ بارا جاتقان. كۋاگەرلەر مەن مارقۇمداردىڭ تۋىستارىنىڭ ايتۋى بويىنشا، جىگىتتەر وتىرعان موتوسيكلدى «تويوتا حايس» اۆتوكولىگىمەن 57 جاستاعى ەر ادام قاققان.
جىگىتتەردىڭ ءبىرى وقيعا ورنىندا قايتىس بولعان. ەكىنشىسى اۋرۋحاناعا بارار جولدا جان تاپسىرعان.
ميحايل توچيلين ءۇيىنىڭ كەنجەسى بولعان، ءۇش باۋىرى بار. ال سەرگەي يزيۋمنيكوۆتىڭ ارتىندا اياعى اۋىر ايەلى مەن ەكى بالاسى قالدى. ول وتباسىنداعى جالعىز بالا بولعان. ال مارقۇمداردى موتوسيكلمەن ءجۇرۋ بايلانىستىرعان.
