شقو قوعامدىق كەڭەسى وبلىس ورتالىعىنىڭ قۇرامىنا رادۋجنىي كەنتىنىڭ قوسىلۋى تۋرالى ۇسىنىستى قولدادى.

بۇل تۋرالى وبلىستىق اكىمدىكتە وتكەن قوعامدىق كەڭەستىڭ وتىرىسىندا بەلگىلى بولدى. وزگە سۇراقتارمەن قاتار وسكەمەننىڭ اكىمشىلىك-اۋماقتىق شەكاراسىن وزگەرتۋ تۋرالى ماسەلە دە قارالدى.

-رادۋجنىي كەنتى 1991 جىلدان بەرى وسكەمەننىڭ اكىمشىلىك باعىنىشىندا تۇر. ءبىراق وسى كۇنگە دەيىن وبلىس ورتالىعىنىڭ قۇرامىنا قوسىلماعان. كەنت تۇرعىندارى سان رەت قالاعا قوسىلۋ تۋرالى ۇسىنىستارىمەن كەلگەن. بارلىق قاجەتتى قۇجاتتار دايىن، — دەدى قالا اكىمى اپپاراتىنىڭ باسشىسى ەرجان شۋرمانوۆ.

ول قوعامدىق كەڭەستەن وسى ۇسىنىستى قولداۋدى سۇراپ وتىر. كەڭەس مۇشەلەرى رادۋجنىي كەنتىنىڭ قالا اۋماعىنا قوسىلۋىن داۋىسقا سالىپ، ءبىراۋىزدان قولدادى.

-قوعامدىق كەڭەستىڭ شەشىمى سوڭعى قۇجات بولىپ تابىلادى، — دەدى شۋرمانوۆ مىرزا.-ەندى ۇلتتىق ەكونوميكا مينيسترلىگى كەنت بويىنشا قاۋلىنىڭ جوباسىن ق ر ۇكىمەتىنە قاراۋ جانە قول قويۋعا ەنگىزەدى.

اتالمىش كەنتتىڭ اۋماعى 94 گەكتاردان اسادى. قازىرگى ۋاقىتتا وندا 1917 ادام تۇرىپ جاتىر.