قۋىرشاق تەاترى – بالالارعا ونەر دەيتىن وزگەشە ولكەنىڭ بار ەكەنىن ءبىلدىرىپ، تەاتر تۋرالى تۇسىنىگىنىڭ قالىپتاسۋىنا ىقپالى ەرەكشە. جانسىز قۋىرشاققا جان ءبىتىرىپ، ءىس-قيمىل ارقىلى كورەرمەنىن باۋلاپ الاتىن ونەردىڭ بۇل ءتۇرى سەمەي قالاسىنداعى فيزيكا –ماتەماتيكا باعىتىنداعى نازاربايەۆ زياتكەرلىك مەكتەبىنىڭ جاتاقحانا تاربيەلەنۋشىلەرى اراسىندا كەڭ قانات جايىپ كەلەدى. قۋىرشاق تەاترى قۇرىلماس بۇرىن ارنايى كيىمدەر تىگىلىپ، قويىلاتىن سپەكتاكلدەر انىقتالدى.

تەاتردىڭ باستى ەرەكشەلىگى- ساحنالىق قويىلىمداردىڭ دەنى اعىلشىن تىلىندە قويىلادى. وسى ارقىلى وقۋشىلاردىڭ ءتىل بايلىعىن دامىتۋدى كوزدەگەن ونەر ۇجىمى از ۋاقىتتىڭ ىشىندە ءوز كورەرمەندەرىن تاۋىپ ۇلگەردى. نەگىزىنەن 7 سىنىپ وقۋشىلارىنان قۇرالعان تەاتر جۋىردا سەريالىق «الدار كوسەنىڭ كوڭىلدى وقيعالارى» اتتى قويىلىمىمەن قالامىزداعى № 7 «اقبوتا» ياسلي –باقشاسىنا بارىپ، كىشكەنتاي بالاقايلاردى قۋانتىپ قايتتى. جاس ارتىستەر قاتارى ارتىپ كەلە جاتقان ونەر ۇجىمىنىڭ ساپارىن بۇلدىرشىندەر مەن بالا-باقشا ۇجىمى جاقسى قابىلدادى.

از ۋاقىت ىشىندە ۇلكەن قولداۋعا يە بولعان قۋىرشاق تەاترى ەندى ۇلكەن ماقسات قويىپ، كەلەسى كەزەڭدى باعىندىرۋدى كوزدەپ وتىر.