ورتالىقتاندىرىلعان كىتاپحانا جۇيەسىنىڭ ۇيىمداستىرۋىمەن وتكەن شارا «قازاقستان كىتاپحانالارى – ءبىلىم ورتالىعى» جوباسى اياسىندا تۇڭعىش رەت تۇساۋى كەسىلدى. شاراعا «نۇر وتان» پارتياسى سەمەي قالالىق فيليالى ءتوراعاسىنىڭ ورىنباسارى زۋلفيا جامالتدينوۆا مادەنيەت جانە تىلدەردى دامىتۋ ءبولىمىنىڭ باس مامانى انار قۋانعالييەۆا، «حالىقتىق وي-سانا» جازبا اقىندار ورتالىعىنىڭ جەتەكشىسى سەرىك مولدابەكوۆتەر قاتىستى.
-بۇل جوبانىڭ ماقساتى، جاس ۇرپاقتىڭ بويىنا وتانسۇيگىشتىك سەزىم قالىپتاستىرۋ، تۋعان ولكە تاريحىنا دەگەن قىزىعۋشىلىقتى وياتۋ بولىپ تابىلادى،-دەدى كىتاپحانا قىزمەتكەرى مەيرامگۇل ماحامبەتوۆا،-جوبا ەكى باعىتتان تۇردى. سەمەي «جاس ولكەتانۋشىلار» كلۋبى قۇرىلدى جانە «تاريحي-مادەني ورىندارعا ساياحات» اتتى جاياۋ جۇرگىنشىلەر ەكسكۋرسياسىن ەڭ العاش رەت اباي ەسكەرتكىشىنەن باستاپ، ۇيىمداستىرىپ وتىرمىز.
اباي ەسكەرتكىشىنە گۇل شوقتارىن قويىلدى. الداعى ۋاقىتتا جوبا اياسىندا تۇراقتى تۇردە قالانىڭ تاريحي-مادەني ەسكەرتكىشتەرىنە ەكسكۋرسيالار ۇيىمداستىرىلىپ، ءبىرقاتار شارالار توپتاماسى وتكىزىلەتىن بولماق.
