استانادا مەملەكەت باسشىسى نۇرسۇلتان نازاربايەۆتىڭ باسشىلىعىمەن شەتەلدىك ينۆەستورلار كەڭەسىنىڭ 31ء-شى پلەنارلىق وتىرىسى باستالدى، دەپ حابارلايدى Qamshy.kz اقپارات اگەنتتىگى.

كۇن تارتىبىنە ءۇش ماسەلە قويىلعان. ءبىرىنشى - 30-شى كەڭەستىڭ حاتتامالىق تاپسىرمالارىنىڭ ەسەبى. ەكىنشى – شەتەلدىك تاراپتىڭ ينۆەستيسيالىق ساياسات ماسەلەسىنە ارنالعان ۇسىنىستارىن قاراپ، ەنەرگەتيكاعا، ەكولوگياعا، مۇناي-گاز سالاسىنا، ادام كاپيتالىنىڭ دامۋىنا بايلانىستى ساۋالداردى تالقىلاۋ. سونىمەن قاتار، بۇگىنگى پلەنارلىق وتىرىستىڭ نەگىزگى ساۋالى – مودەرنيزاسيا تاقىرىبى بولىپ وتىر.

شيك قۇرىلعالى بەرى ەلباسىنىڭ باسشىلىعىمەن 30 پلەنارلىق وتىرىس ءوتىپ، وندا ەلدەگى شەتەلدىك ينۆەستيسيانىڭ قۇقىقتىق رەجيمى، قازاقستانداعى سوت جۇيەسىن دامىتۋ، سالىق سالۋ جۇيەسىن وڭتايلاندىرۋ جانە شەتەلدىك جۇمىس كۇشىن تارتۋ، ق ر ينۆەستيسيالىق ءيميدجىن جاقسارتۋ، بولاشاق ەنەرگەتيكاسى سىندى ءبىرقاتار ماسەلەلەر قارالدى.

شەتەلدىك ينۆەستورلار كەڭەسى – 1998 جىلى ق ر ۇكىمەتى مەن شەتەل ينۆەستورلارىنىڭ اراسىنداعى تىكەلەي ديالوگتى دامىتۋ ماقساتىندا قۇرىلعان.

شيك قۇرامىنا 31 ءىرى ترانسۇلتتىق شەتەل كومپانيالارى مەن حالىقارالىق ۇيىمدار تىركەلگەن.