قالامىزداعى ورتالىق كىتاپحانادا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا «سۇيىكتى قالاممەن بىرگەمىن» اتتى جوبانىڭ تۇساۋكەسەر ءراسىمى ءوتتى.
اتالمىش جوبانىڭ نەگىزگى ماقساتى جاس ۇرپاقتى بويىنا وتانسۇيگىشتىك سەزىم قالىپتاستىرۋ ، تۋعان ولكە تاريحىنا دەگەن قىزىعۋشىلىقتى وياتۋ، مادەني ەسكەرتكىشتەرىمىز تۋرالى تولىعىراق اقپارات بەرۋ بولىپ تابىلادى.
باسقوسۋعا «نۇر وتان»پارتياسى سەمەي قالالىق فيليالى ءتوراعاسىنىڭ ءبىرىنشى ورىنباسارى زۋلفيا جامالتدينوۆا ارنايى قاتىسىپ، «جاس ولكەتانۋشىلار» كلۋبىنا قابىلدانعان جاس جەتكىنشەكتەردىڭ مويىندارىنا كوك بايراعىمىز تۇستەس گالستۋكتاردى سالتاناتتى تۇردە تاقتى.
سونىمەن بىرگە «حالىقتىق وي-سانا» جازبا اقىندار ورتالىعىنىڭ مۇشەلەرى وزدەرىنىڭ جۇرەكجاردى ولەڭدەرىن وقىپ، «تاريحي-مادەني ورىندارعا ساياحات» دەپ اتالاتىن جاياۋ جۇرگىنشىلەر ەكسكۋرسيانىڭ ارى قاراي جاندانۋى ءۇشىن بار كۇشتەرىن سالاتىندارىن ۋادە ەتتى.
جيىن سوڭىندا بارلىعى بىرىگىپ ەڭ ءبىرىنشى ەكسكۋرسيالارىن ۇلى ابايدىڭ ەسكەرتكىشىنە تاعزىم ەتۋدەن باستاعاندى ءجون كوردى.
ايتا كەتۋ كەرەك، بۇگىنگى تاڭعا دەيىن ورتالىقتاندىرىلعان كىتاپحانا جۇيەسى «اعىلشىن ءتىلى اناممەن بىرگە»، «ءشاي ىشسەن كوڭىلىڭ ءجاي»، «كوميكس كافە» سىندى قىزىقتى ءىس-شارالاردى ۇيىمداستىرىپ، كوپتەگەن ۇيىرمەلەردىڭ اشىلۋىنا ۇيىتقى بولىپ وتىر.
