ەرتەڭ ون ەكi ايدىڭ سۇلتانى بولعان قاسيەتتى رامازان ايى باستالادى. قۇران كارىمنىڭ العاشقى اياتتارى تۇسكەن وسىناۋ كەشىرىم مەن قۇلشىلىق ايى قارساڭىندا قازاقستان مۇسىلماندارى ءدىني باسقارماسىنىڭ وسكەمەن ءوڭىرى بويىنشا وكىل يمامى، وبلىستىق «حاليفا التاي» مەشىتىنىڭ باس يمامى ەرمەك قاجى مۇقاتاي بريفينگ وتكىزدى.

باس يمامنىڭ ايتۋىنشا، ادەتتەگىدەي رامازان ايىنا ءبىر كۇن قالعاندا ءوڭىردىڭ بارلىق مەشىتتەرىندە قاس قارايا تاراۋيح نامازى وقىلادى.

– اۋىز بەكىتۋ جانە اشۋ ۋاقىتتارى جەرگىلىكتى جەردەگى ءدىني وكىلدىكتەر بەكىتكەن كەستەگە سايكەس ورىندالۋى كەرەك. ويتكەنى ەلىمىزدىڭ اۋماعى ۇلان-عايىر بولعاندىقتان، الماتى مەن باتىس قازاقستاننىڭ ورازا كەستەسى ءبىزدىڭ وبلىسقا كەلمەيدى. جالپى، ورازا – بiر اي بويى iشiپ-جەۋدەن عانا ەمەس، ءوتiرiك-وسەك ايتۋدان، بiرەۋدi سىرتتاي عايباتتاۋدان، ادامگەرشىلiككە جاتپايتىن ادەت-قىلىقتاردان بويدى ارىلتۋ. ورازا – ءباليعات جاسىنا جەتكەن، اقىل-ەسى ءتۇزۋ، سىرقات ەمەس ادامدارعا پارىز. ال دەنساۋلىعىندا كىناراتى بار جاندارعا جاراتۋشى يەمىز كەشىرىممەن قارايدى، — دەپ تۇسىندىرگەن ەرمەك قاجى مۇقاتاي بيىلعى رامازان ايىندا اتقارىلاتىن يگىلىكتى ىستەر تۋرالى دا ايتىپ ءوتتى.

ونىڭ ايتۋىنشا، ورازا كەزىندە ءبىر ايى بويى «يمام تاكسي» جوباسى قولعا الىنادى. جوبا اياسىندا ءدىني قىزمەتكەرلەر جاماعاتقا تەگىن قىزمەت كورسەتەدى. بۇل تاكسيلەر اۋىزاشاردان سوڭ وقىلاتىن تاراۋيح نامازىنا كەلەتىن ادامداردى اقىسىز تاسىمالدايتىن بولادى. ويتكەنى تۇنگە قاراي قوعامدىق كولىكتەر توقتاپ قالاتىندىقتان قالانىڭ ءار شەتىندە تۇراتىن ادامدارعا مەشىتكە كەلۋ قيىندىق تۋعىزادى. وسى جايتتى ەسكەرگەن يمامدار قاسيەتتى رامازان ايىندا ادامداردىڭ الاڭسىز قۇلشىلىق جاساۋىنا مۇمكىندىك تۋعىزۋ ءۇشىن اتالمىش جوبانى قايتا جانداندىرماق.