وبلىس اكىمى دانيال احمەتوۆتىڭ وكىمىمەن كوكپەكتى اۋدانى اكىمى قىزمەتىنە اسحات سايداحمەت ۇلى سمايلوۆ تاعايىندالدى. ول بۇعان دەيىن تارباعاتاي اۋدانى اكىمىنىڭ ورىنباسارى قىزمەتىن اتقارعان.

جاڭا باسشىنى اۋدان اكتيۆىنە وبلىس اكىمىنىڭ ورىنباسارى شالقار بايبەكوۆ تانىستىردى.

اسحات سايداحمەت ۇلى 1968 جىلى 1 ناۋرىزدا سەمەي وبلىسى اقسۋات اۋدانى قىزىل كەسىك اۋىلىندا دۇنيەگە كەلگەن.
1991 جىلى قاراعاندى مەملەكەتتىك ۋنيۆەرسيتەتىن «ەكونوميست» ماماندىعى بويىنشا ءبىتىردى.

ەڭبەك جولىن 1994 جىلى اقسۋات اۋداندىق قارجى ءبولىمىنىڭ كىرىستەر ءتۇسۋىن بولجاۋ جانە ەكونوميكالىق تالداۋ ءبولىمىنىڭ اعا ەكونوميسىنەن باستاعان. كەيىن تارباعاتاي اۋداندىق قارجى ءبولىمى مەڭگەرۋشىسىنىڭ ورىنباسارى، بيۋدجەت ءبولىمىنىڭ باستىعى قىزمەتتەرىن اتقاردى.

2002-2005 جىلدار ارالىعىندا تارباعاتاي اۋداندىق ەكونوميكا ءبولىمىنىڭ، كەيىن اۋدان اكىمى اپپاراتىنىڭ قارجى-شارۋاشىلىق ءبولىمىنىڭ باستىعى بولدى. ەكى جىل تارباعاتاي اۋداندىق ەكونوميكا جانە بيۋدجەتتىك جوسپارلاۋ ءبولىمىنىڭ باستىعى لاۋازىمىندا قىزمەت ەتتى.

2009 جىلدىڭ جەلتوقسانىندا كوكجىرا اۋىلدىق وكرۋگىنىڭ اكىمى مىندەتىنە تاعايىندالدى. سوڭعى 8 جىلدا تارباعاتاي اۋدانى اكىمىنىڭ ورىنباسارى قىزمەتىن اتقارعان.

وسىدان ءبىر اي بۇرىن بۇرىنعى اكىم راميل ساعاندىقوۆ شقو ۆەتەريناريا باسقارماسىنىڭ باسشىسى بولىپ تاعايىندالۋىنا بايلانىستى اۋدان اكىمىنىڭ ورنى بوس تۇرعان بولاتىن.