تەگىن امبۋلاتوريالىق دارى-دارمەكتەرمەن قامتاماسىز ەتۋگە ارنالعان پرەپاراتتاردى جونەلتۋ قارقىندى جۇرگىزىلىپ جاتىر. بۇگىنگى تاڭدا قازاقستان بويىنشا 31،9 ملرد تەڭگە سوماعا دارىلەر جونەلتىلگەن. بۇل تۋرالى «سك-فارماسيا» ءجشس-نىڭ رەسمي سايتىندا حابارلانىپ وتىر.

دارى-دارمەكتەر مەن مەديسينالىق بۇيىمداردى مامىر ايىنا تاپسىرىس بويىنشا جونەلتۋ جۇمىستارى ءساۋىر ايىنىڭ باس كەزىندە  ءبىرقاتار ايماقتاردى باستالىپ، ءقازىر جالعاسۋدا. مەديكامەنتتەر ەڭ كوپ جىبەرىلگەن ايماق شىعىس قازاقستان وبلىسى بولدى. مۇنداعى مەديسينالىق مەكەمەلەر 4،3 ملرد تەڭگەگە وتكەن ءتورت ايدىڭ دارى-دارمەگىن الىپ وتىر.

قازاقستاندىقتاردى امبۋلاتوريالىق دارىلىك قامتاماسىز ەتۋ ءۇشىن دارىلىك زاتتار مەن مەديسينالىق ماقساتتاعى بۇيىمداردىڭ 432 اتاۋى ساتىپ الىنىپتى. تۇتاستاي العاندا، ءبىرىڭعاي ديستريبيۋتوردىڭ ءتىزىمى بويىنشا امبۋلاتوريالىق جانە ستاسيونارلىق دارىلىك قامتاماسىز ەتۋگە ارنالعان 1057 اتاۋ ساتىپ الىنعان، ول جالپى قاجەتتىلىكتىڭ 95%-ىن قۇرايدى ەكەن.