اۋعانستان سوعىسى – بارلىق قازاقستاندىقتار ءۇشىن تاريحتىڭ ەڭ قايعىلى بەتتەرىنىڭ ءبىرى. بۇل كۇندى ەشكىم دە، ەشقاشان ۇمىتقان ەمەس. ولاي دەيتىن سەبەبىمىز وسىندان 29 جىل بۇرىن بوتەن ەلدىڭ مۇددەسىن قورعاعان اۋعانستانداعى شەكتەۋلى كونتينگەنت اسكەرلەرى قۇرامىندا قازاقستاننان 22 269 جاۋىنگەر ينتەرناسيونالدىق مىندەتىن اتقارعان بولاتىن. سولاردىڭ ىشىندە 924ء-ى سۇراپىل شايقاستا ەرلىكپەن قازا تاپسا، ال 21 ادام حابار-وشارسىز كەتتى، مىڭداعان ازامات ءتۇرلى جاراقاتتاردىڭ سالدارىنان مۇگەدەك بولىپ قالدى. سونداي-اق، سەمەيدەن 1185 جاۋىنگەر اتتانىپ، 44ء-ى ەلگە ورالمادى . ءبىز وسىنداي ەرلىك كورسەتكەن، مايدان الاڭىندا جاۋمەن جاعا جىرتىسقان جاۋىنگەرلەرىمىزدى ءاردايىم ەسكە الىپ، ەرەكشە قۇرمەت كورسەتكەندە عانا ۇلتتىق رۋحىمىز اسقاقتاي تۇسەتىنى ءسوزسىز.

وسىعان وراي، بۇگىن وتان قورعاۋشىلار كۇنى مەن مەن جەڭىس مەرەكەسى كۇنىنە ورايلاستىرىلىپ ينتەرناسيوناليست-جاۋىنگەرلەر ەسكەرتكىشىنە گۇل شوقتارىن گۇل قويۋ ءراسىمى ءوتتى. ايتۋلى شاراعا قالا اكىمى ەرماك ءسالىموۆ، قارت ارداگەرلەرىمىز جانە دە سەمەيدىڭ ءبىر توپ بەلسەندى جاستارى ارنايى قاتىسىپ، اۋعانستان سوعىسىندا قازا تاپقان سەمەيلىك جاۋىنگەرلەردى ەسكە الدى.

—ارداقتا اعايىن، قۇرمەتتى جەرلەستەر7ء-شى مامىر وتان قورعاۋشىلار كۇنى قۇتتى بولسىن. بۇل كۇن بەيبىت ەلدىڭ تىنىشتىعىن قورعاپ، ءوز تاعدىرىن ەل تاعدىرىمەن بايلانىستىرىپ جۇرگەن ءاربىر اسكەري قىزمەتشى ءۇشىن ەرەكشە كۇن. ءبىزدىڭ وتانداستارىمىز ءۇشىن بۇل مەرەكە باتىرلىق پەن تاباندىلىق، وتانسۇيگىشتىك پەن وتانعا شەكسىز قىزمەت ەتۋدىڭ نىشانى. وتان قورعاۋ — ءاربىر قازاق ازاماتىنىڭ قاسيەتتى بورىشى. بارشا جينالعان قاۋىمعا زور دەنساۋلىق، وتباسىلىق قۇت-بەرەكە تىلەيمىن. ەل امان، جۇرت تىنىش، بولاشاق جارقىن بولسىن ، — دەدى ەرماك بيداحمەت ۇلى.