ادامزات تاريحىنداعى ەڭ اۋىر قانتوگىس سوعىستىڭ اياقتالعانىنا 73 جىل ءوتىپتى. ەل ءۇشىن قولدارىنا قارۋ الىپ، مايداننىڭ الدىڭعى شەبىندە قانقۇيلى جاۋمەن شايقاسقان دانا قاريالارىمىز كۇننەن-كۇنگە ازايىپ بارادى.

سوعىس الاڭىندا جاۋمەن جاعا جىرتىسقان جاۋىنگەر ارداگەرلەرىمىزدى ۇمىتپاي، ولاردىڭ ەرلىكتەرىن جوعارى باعالاعاندا عانا ۇلتتىق رۋحىمىز اسقاقتاي تۇسەتىنى ءسوزسىز. جىلدا جەڭىس كۇنى قارساڭىندا ءوڭىر باسشىلارى اتالارىمىز بەن اپالارىمىزدى قۇتتىقتاپ، قوماقتى قاراجات سومماسى مەن سىيلىقتارىن ۇسىنىپ جاتادى. بيىل دا بۇل ءۇردىس جالعاسىن تاۋىپ، قالا اكىمى ەرماك ءسالىموۆ پەن ءبىرقاتار لاۋازىمدى تۇلعالار قالامىزداعى ءتورت ارداگەردى جەڭىس مەرەكەسىمەن قۇتتىقتاپ، ، ءارقايسىسىنا 500 مىڭ تەڭگەنىڭ سەرتيفيكاتىن تابىس ەتتى.

100ء-شى اتقىشتار ديۆيزياسىنىڭ جاۋىنگەرى بولعان، بۇگىندە 95 جاسقا اياق باسىپ وتىرعان اتامباي ورازبايەۆ، 14 جاسىنان باستاپ اسكەري گوسپيتالدە مايداندا زارداپ شەككەندەرگە مەديسينالىق كومەك كورسەتكەن ەكاتەرينا كراسنيانسكايا، 8ء-شى سىنىپ بىتىرە سالىسىمەن ەلىن قورعاۋعا اتتانعان ابدراشيت يشمۋحامەتوۆ، سوعىس كەزىندە ەكى رەت جاراقات السا دا، وجەتتىك پەن باتىرلىقتىڭ ۇلگىسىن كورسەتكەن الەكساندر اتاۆين سۇراپىل كەزەڭدەگى ەستەلىكتەرىمەن ءبولىسىپ، بارشا قۇتتىقتاپ كەلگەن ازاماتتارعا وزدەرىنىڭ ريزاشىلىقتارىن ءبىلدىردى.