وسكەلەڭ ۇرپاقتىڭ بويىنا باۋىرمالدىق پەن ادامگەرشىلىكتى، وتانسۇيگىشتىك پەن اۋىزبىرشىلىكتى ءسىڭىرۋ مەن ۇيرەتۋدە اسكەري شارالاردىڭ ماڭىزى ەرەكشە. سەمەي قالاسىنداعى فيزيكا – ماتەماتيكا باعىتىنداعى نازاربايەۆ زياتكەرلىك مەكتەبىنىڭ دەنە تاربيەسى جانە ەستەتيكا ادىستەمەلىك بىرلەستىگىنىڭ كۇنتىزبەلىك جوسپارىنا سايكەس قالالىق اسكەري ەستافەتا ءوتتى.

ەلىمىزدەگى 1 مامىر – قازاقستان حالىقتارى بىرلىگى كۇنى مەن 7 مامىر — وتان قورعاۋشىلار كۇنىنە ارنالعان شاراعا زياتكەرلىك مەكتەپتىڭ ەكى كومانداسىنان بولەك №21، 26، 34 ءبىلىم مەكەمەلەرى، «باتىر» اسكەري – پاتريوتتىق كلۋبىنىڭ تاربيەلەنۋشىلەرى قاتىستى.

اسكەري ەستافەتاعا قالامىزداعى العاشقى اسكەري دايىندىق ورتالىعىنىڭ باستىعى، مايور بەكەن ۇكىباسوۆ پەن تاجىك –اۋعان شەكاراسىنداعى قاقتىعىستاردىڭ ارداگەرى ەسەنعالي ورازبايەۆ ارنايى كەلىپ، تورەلىك ەتتى .

كوماندا قۇرامى 6 وقۋشىدان بەكىتىلىپ، وعان 3 ەر، 3 قىز بالادان الىندى. سايىس نەگىزىنەن جەر باۋىرلاپ ءجۇرۋ، كالاشنيكوۆ اۆتوماتىن جارتىلاي شاشىپ-جيناۋ، اۆتومات ماگازينىن وققا تولتىرىپ، بۇزۋ، پنيەۆماتيكالىق مىلتىقتان وق اتۋ سىندى كەدەرگىلەرگە تولى 6 كەزەڭنەن تۇردى.

جارىس قورىتىندىسى بويىنشا وزگەلەردەن وق بويى وزىپ شىققان سەمەي قالاسىنداعى فيزيكا –ماتەماتيكا باعىتىنداعى نازاربايەۆ زياتكەرلىك مەكتەبىنىڭ كومانداسى ءبىرىنشى ورىندى يەلەنىپ، كۋبوكتى قانجىعالارىنا بايلادى. سونداي-اق، جۇلدەلى 2 – ءشى ورىن №26 ورتا مەكتەبىنە بۇيىرسا، ال 3ء-شى ورىن №34 ورتا مەكتەپتىڭ كومانداسى لايىق دەپ تانىلدى.