شىعىسقازاقستاننىڭ ەكىنشى دۇنيەجۇزىلىك سوعىسى ارداگەرلەرىنە جارتى ميلليون تەڭگە تارتۋ ەتىلدى. بۇگىنگى تاڭدا وبلىستا 240 مايدانگەر تۇرادى. ۇلى جەڭىس مەيرامى قارساڭىندا وبلىس اكىمى دانيال احمەتوۆ وسكەمەن قالاسىنداعى ءتورت ارداگەردىۇيلەرىنە جەكە ءوزى بارىپ قۇتتىقتادى. 

قاباتاي قالدىبايەۆ بالالارى مەن نەمەرەلەرىنىڭ ورتاسىندا ۇلى جەڭىستىڭ 73ء-شى كوكتەمىن قارسى الۋدا. ەرتەڭ اقساقال تۋرا 100 جاسقا تولادى.ول 1918 جىلى ۇلان اۋدانىندا دۇنيەگە كەلگەن. سوعىس باستالعان كەزدە اسكەر قاتارىندا بورىشىن اتقارىپ جۇرگەن ەدى. 1942 جىلدان باستاپ قارا جانە ازوۆ تەڭىزدەرى جاعالاۋلارىن قورعاۋ ىسىنە قاتىسىپ، سولتۇستىك كاۆكاز مايدانىندا شايقاستا بولادى. «ءىى دارەجەلى وتان سوعىسى» وردەنىمەن ماراپاتتالعان. سوعىستان كەيىن زەينەتكەرلىككە شىققانعا دەيىن بەلوگور تاۋ-كەن بايىتۋ كومبيناتىندا ءورتسوندىرۋشى بولىپ قىزمەت ەتتى. دانيال احمەتوۆ مايدانگەردى 100 جىلدىق مەرەيتويىمەن قۇتتىقتاپ، اشىق اسپان، بەيبىت ءومىر ءۇشىن العىسىن ءبىلدىردى. سونداي-اق، اقساقالعا 500 مىڭ تەڭگەنىڭ سەرتيفيكاتى مەن تەلەديدار تارتۋ ەتىپ، يىعىڭا شاپان جاپتى.

– ءار ارداگەر مەن تىل ەڭبەككەرى – حالقىمىزدىڭ قازىناسى، ۇلتتىق ماقتانىشى، – دەپ اتاپ ءوتتى وبلىس اكىمى. – ۇرپاق بولاشاعى جولىندا تانىتقان قايسارلىقتارىڭىز ءۇشىن العىسىمىز شەكسىز. سىزدەرگە جانە جاقىندارىڭىزعا زور دەنساۋلىق، مول باقىت تىلەيمىن!

500 مىڭ تەڭگەنىڭ سەرتيفيكاتىن جانە تۇرمىستىق تەحنيكالالاردى وبلىس اكىمى سونداي-اق، ماريا شاريفوۆنا يارەمچۋككە، گەورگييۆاسيليەۆيچ كوۆالەنكوعا جانە ستەپان ەگوروۆيچ ميشينگە تابىس ەتتى.