بۇگىن وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىندە وبلىس اكىمى جانسەيىت تۇيمەبايەۆ ستۋدەنت جاستارمەن كەزدەستى. باسقوسۋدا ايماق باسشىسى بولاشاق مامان يەلەرىنە «رۋحاني جاڭعىرۋ: جاستار جانە تاريحي تاعىلىم» تاقىرىبىندا لەكسيا وقىدى. شاراعا جوعارى وقۋ ورنىنىڭ وقىتۋشىلارى مەن جاس عالىمدار، ستۋدەنت جاستار جانە ب ا ق وكىلدەرى، جالپى سانى 400-گە جۋىق ادام قاتىستى.
ەلباسىنىڭ «رۋحاني جاڭعىرۋ» باعدارلامالىق ماقالاسىن ءتۇسىندىرىپ، جاستارمەن پىكىر الماسۋعا ارنالعان كەزدەسۋدە وبلىس اكىمى قوعامدىق سانانى جان-جاقتى جانە تۇبەگەيلى جاڭعىرتۋعا باعىتتالعان ۇلتتىق جوبانىڭ ۇسىنىلۋى -ەل دامۋىنىڭ تاريحي كەزەڭىنە ساي ماڭىزدى شەشىم بولعاندىعىن اتاپ ءوتتى.
«مەملەكەت باسشىسى: «سانامىز ىسىمىزدەن وزىپ ءجۇرۋى، ياعني ودان بۇرىن جاڭعىرىپ وتىرۋى ءتيىس»، - دەپ ناقتى مىندەت قويدى. پرەزيدەنت قازاقستاندىق جاستاردىڭ تاربيەسىنە ۇنەمى نازار اۋدارىپ كەلەدى. ونىڭ ايعاعى «رۋحاني جاڭعىرۋ» باعدارلاماسىنداعى ەڭ ماڭىزدى مىندەتتەردىڭ ءبىرى ادامي كاپيتال ساپاسىن جاقسارتۋعا باسىمدىق بەرگەندىگى. ەڭ ءبىرىنشى ءاربىر ازامات ءوز ءتىلىن ءبىلۋى قاجەت. سونداي-اق، ەلباسى رۋحاني جاڭعىرۋداعى ۇلتتىق سانا-سەزىم كوكجيەگىن كەڭەيتۋدە ەكى نارسەنىڭ باسىن ناقتى اشىپ بەرىپ وتىر. ونىڭ ءبىرى – ۇلتتىق كود، ۇلتتىق مادەنيەت ساقتالماسا، ەشقانداي جاڭعىرۋدىڭ بولمايتىندىعى. ەكىنشىسى – العا باسۋ ءۇشىن ۇلتتىڭ دامۋىنا كەدەرگى بولاتىن وتكەننىڭ كەرتارتپا تۇستارىنان باس تارتۋ. مۇنداعى باستى يدەيا – بولاشاق پەن وتكەندى ۇيلەسىمدى ساباقتاستىرا ءبىلۋ. وزىعىن الىپ، توزىعىن تاستاۋ»، - دەدى جانسەيىت قانسەيىت ۇلى.
باسقوسۋ بارىسىندا ستۋدەنت جاستار وبلىس باسشىسىنا تولعاندىرعان ساۋالدارىن قويىپ، جاۋاپ الدى. اتاپ ايتقاندا، سيفرلى قازاقستان، لاتىن الىپبيىنە كوشۋ سىندى وزەكتى تاقىرىپتار كوتەرىلدى. بۇدان بولەك، ايماق باسشىسى جانسەيىت قانسەيىت ۇلى قازاق ديپلوماتياسىنىڭ جەتىستىگى مەن تۇركولوگيا عىلىمىنىڭ جارقىن بولاشاعى تاقىرىبىندا ءسوز قوزعادى. ۇلتتىق باعدارلامانىڭ ماڭىزدى تۇستارىنا توقتالدى.
«الاش كوسەمى ءاليحان بوكەيحان: «وزعاندارعا جەتۋ كەرەك، جەتكەندەرىمىزدەن وزۋ كەرەك. دۇنيەنىڭ تورىنە تىرمىسقاندار، توردەن ورىن الىپ جاتىر. تىرىسپاعاندار ەسىكتە قالىپ جاتىر: ەcىكتە قالماي، بىرگە تىرمىسالىق»، - دەگەن. دەمەك، «رۋحاني جاڭعىرۋ» باعدارلاماسى - اۋقىمى اسا كەڭ جانە جۇيەلى تۇردە، تىنىمسىز جۇمىس ىستەۋدى، اسا جوعارى جاۋاپكەرشىلىكتى تالاپ ەتەدى»، - دەپ قورىتىندىلادى وبلىس اكىمى.
يگى شارا سوڭىندا جانسەيىت قانسەيىتۇلىنا وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ رەكتورى وڭالباي اياشيەۆ جوو-نىڭ پروفەسسورى اتاعىن تابىستاپ، اتالعان شاڭىراقتىڭ «اقبايان» ءسان ورتالىعى ارنايى دايىنداعان مانتيانى كيگىزدى.
