The Ring ر جۋرنالىنىڭ اۆتورى مايك كوپپيندجەر حالىقارالىق بوكس فەدەراسياسىنىڭ (IBF) قازاقستاندىق گەنناديي گولوۆكيندى (38-0-1، 34 كو) چەمپيوندىق بەلبەۋىنەن ايىرۋ شەشىمىنە قاتىستى تۇسىنىكتەمە بەردى، دەپ حابارلادى sputniknews.kz.
"سونىمەن بىرگە، گولوۆكين ەكى ۇداي جاعدايدا وتىر. ول "قانەلومەن" جۇدىرىقتاسقىسى كەلەدى، الايدا اقشانىڭ تەڭ جارتىسىن السا عانا. وعان بەلبەۋ ءارقاشان ماڭىزدى بولدى، گەنناديي 2015 جىلى داۆيد لەمەدەن IBF بەلبەۋىن تارتىپ العان كەزدە ءوزىنىڭ بارلىق ءتورت بەلبەۋدى يەلەنۋ ماقساتىنا ءبىر تابان جاقىندادى. ول بىرنەشە كۇننىڭ ىشىندە ءوز بەلبەۋلەرىنىڭ ءبىرىن جوعالتتى، سونداي-اق ءبىراز گونورارىنان ايىرىلعان بولۋى مۇمكىن"، — دەپ جازدى جۋرناليست.
ەستەرىڭىزگە سالا كەتەيىك، كەشە IBF گەنناديي گولوۆكيندى چەمپيوندىق بەلبەۋدەن رەسمي تۇردە ايىردى، ويتكەنى قازاقستاندىق بوكسشى 3 تامىزعا دەيىن ۋكراينالىق سەرگەي دەريەۆيانچەنكوعا قارسى مىندەتتى جەكپە-جەككە شىعۋدان باس تارتقان.
