بۇگىن الماتى قالاسى عىلىم ورداسىندا «سىبايلاس جەمقورلىققا قارسى قوعامدىق سانانىڭ قالىپتاسۋىنداعى ازاماتتىق سەكتوردىڭ ءرولى» تاقىرىبىندا ازاماتتىق باستامالاردىڭ سەزى بولىپ ءوتتى، دەپ حابارلايدى Qamshy.kz اقپارات اگەنتتىگى.

«سىبايلاس جەمقورلىققا قارسى قوعامدىق سانانىڭ قالىپتاسۋىنداعى ازاماتتىق سەكتوردىڭ ءرولى» تاقىرىبىندا وتكەن شاراعا قوعامدىق كەڭەستىڭ مۇشەلەرى، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ وكىلدەرى، ارنايى مونيتورينگتىك توپتار مەن قوعامدىق قورلاردىڭ مۇشەلەرى قاتىستى.

اتالمىش شارادا جەمقورلىققا قارسى كۇرەس شارالارى اگەنتتىكتىڭ ايرىقشا قىزمەتىنىڭ ءبىرى بولىپ تابىلاتىنىن اتاپ ءوتتى. بۇگىنگى تاڭدا مۇنداي ءىس-شارالارعا بارلىق مۇددەلى مەملەكەتتىك ورگانداردى، كۆازيمەملەكەتتىك سەكتور، بيزنەس-قاۋىمداستىق جانە ازاماتتىق ينستيتۋتتاردى جۇمىلدىرۋ بويىنشا جۇيەلى جۇمىستار جۇرگىزىلۋدە.

«سىبايلاس جەمقورلىققا قارسى قوعامدىق سانانىڭ قالىپتاسۋىنداعى ازاماتتىق سەكتوردىق ءرولى» تاقىرىبىندا بۇگىن ازاماتتىق باستامالاردىڭ سەز ءوتىپ جاتىر. الماتى قالاسىندا بۇل شارا ءبىرىنشى رەت ۇيىمداستىرىلىپ وتىر. نەگىزى، رەسپۋبليكالىق دەڭگەيدە بىلتىردان باستاپ قولعا الىنعان بولاتىن، بيىل 14 ناۋرىزدا ەكىنشى كونگرەسس استانا قالاسىندا ءوتتى. الماتى بولسا ۇلكەن قالا، بۇل جەردە قوعام وتە جاقسى دامىعان، سوندىقتان دا ءبىز الماتى قالاسىندا دا ءدال وسىنداي سەزدى وتكىزۋگە شەشىم شىعاردىق.

بۇگىن الماتىدا ءوتىپ جاتقان كونگرەسسكە استانا قالاسى بويىنشا اگەنتتىكتىڭ دەپارتامەنت ديرەكتورى، سونىمەن قاتار، اگەنتتىكتىڭ جانىنداعى ارنايى مونيتورينگتىك توپتىڭ ءتورايىمى قاتىسىپ وتىر. بۇگىنگى كونگرەسستە ءبىز قوعام تەك مەملەكەتتىك ورگاندارعا عانا قاراپ وتىرماي، وزدەرى باستامشىلىقتى قولدارىنا الىپ، سىبايلاس جەمقورلىققا قارسى جۇمىس جاساۋى كەرەك»، - دەپ ايتىپ ءوتتى الماتى قالاسى بويىنشا مەملەكەتتىك قىزمەتتەر جانە سىبايلاس جەمقورلىققا قارسى دەپارتامەنت باسشىسى ايگۇل بايحانوۆا.

ونىڭ ايتۋىنشا، مۇنداي شارالار ەلىمىزدىڭ قىزىلوردا، تاراز جانە قوستاناي قالالارىندا دا وتكىزىلگەن. دەپارتامەنت باسشىسى وسى مازمۇنداعى شارالاردى جىل سايىن وتكىزۋ جوسپاردا ەكەنىن دە اتاپ ءوتتى.

«بۇگىندە سىبايلاس جەمقورلىقتىڭ الدىن الۋدا قوعامنىڭ ءرولىن كۇشەيتۋگە جانە  سىبايلاس  جانە جەمقورلىققا قارسى مادەنيەتتى قالىپتاستىرۋعا ۇلكەن ءمان بەرىپ وتىر. 2017 جانە 2018 جىلدارى ۇيىمداستىرىلعان ازاماتتىق باستامالاردىڭ سەزدەرى جەمىستى پروگرەستىڭ جارقىن ۇلگىسى بولا الادى. ونىڭ جۇمىسىنا ازاماتتىق سەكتوردىڭ بارلىق دەڭگەيلەرى مەن كاتەگوريالارى، سونىمەن قاتار، اۋىلدىق جانە رەسپۋبليكالىق دەڭگەيلەردىڭ ءار ءتۇرلى ساناتتارى قاتىسادى. بۇل ماسەلەگە بەيجاي قارامايتىن ازاماتتار وزدەرىنىڭ باستاماسىمەن قوعامداعى پروبلەمالاردى جويۋعا كومەكتەسەدى جانە ءوز شەشىمدەرىن ۇسىنىپ، حالىقتىڭ قۇقىقتىق ساۋاتتىلىعىن ارتتىرادى»، - دەيدى ق ر مەملەكەتتىك ىستەر جانە جەمقورلىققا قارسى اگەنتتىكتىڭ قوعاممەن بايلانىس دەپارتامەنتىنىڭ ديرەكتورى ارمان بەردالين.