اقوردانىڭ باسپا ءسوز قىزمەتى ماسكەۋ قالاسىنداعى «لۋجنيكي» ستاديونىندا فۋتبولدان 2018 جىلعى الەم چەمپيوناتىنىڭ اشىلۋ راسىمىنەن سۋرەتتەر جاريالادى. راسىمگە مەملەكەت باسشىسى نۇرسۇلتان نازاربايەۆ تا قاتىستى.

«اشىلۋ ءراسىمى اياقتالعان سوڭ رەسەي جانە ساۋد ارابياسى قۇراما كوماندالارى اراسىندا چەمپيوناتتىڭ اقتىق كەزەڭىنىڭ ءبىرىنشى ويىنى بولدى» ، - دەلىنگەن  ۆەدومستۆودا.

فوتوسۋرەتتە نازاربايەۆپەن قوسا پرەزيدەنت اكىمشىلىگىنىڭ باسشىسى ادىلبەك جاقسىبايەۆ، قىرعىزستان پرەزيدەنتى سوورونباي جەەنبەكوۆ جانە ماسكەۋ اكىمى سەرگەي سوبيانين وتىر.

ءاچ-2018 ءراسىمىنىڭ اشىلۋىنا تمد ەلدەرىنىڭ باسشىلارى – الەكساندر لۋكاشەنكو، شاۆكات ميرزيايەۆ، نيكول پاشينيان، يلحام الييەۆ، ساۋد ارابياسىنىڭ حانزاداسى مۇحاممەد يبن سالمان ءال ساۋد جانە باسقالارى قاتىستى.

بۇدان وزگە قازاقستاندىق تانىمال بوكسشى گەنناديي گولوۆكين دە چەمپيوناتتىڭ اشىلۋ راسىمىنە قاتىستى. الەۋمەتتىك جەلىدە بوكسشىنىڭ سۋرەتتەرى پايدا بولدى.

2018 جىلعى الەم چەمپيوناتىنىڭ اقتىق كەزەڭى 14 ماۋسىم مەن 15 شىلدە ارالىعىندا وتەدى. تۋرنيرگە 32 ۇلتتىق قۇراما كوماندا قاتىسادى. كوماندالار اراسىنداعى ويىندار رەسەي فەدەراسياسىنىڭ 11 قالاسىنداعى 12 ستاديوندا وتەدى.