امانياز ەرجانوۆ ق ر قورعانىس جانە اەروعارىش ونەركاسىبى ۆيسە-مينيسترى بولىپ تاعايىندالدى، - دەپ حابارلايدى Qamshy.kz اقپارات اگەنتتىگى ق ر پرەمەر-مينيستردىڭ سايتىنا سىلتەمە جاساپ.

امانياز ەرجانوۆ 1960 جىلى باتىس قازاقستان وبلىسىندا دۇنيەگە كەلگەن.

1982 جىلى جامبىل گيدرومەليوراتيۆتى-قۇرىلىس ينستيتۋتىن، 1987 جىلى  بلكجو وك جانىنداعى جوعارى كومسومول مەكتەبىن، 2001 جىلى قازاق مەملەكەتتىك باسقارما اكادەمياسىن ءتامامداعان.

ەكونوميكا عىلىمدارىنىڭ كانديداتى ەڭبەك جولىن 1982 جىلى ورال وبلىسى تايپاق اۋدانىنىڭ كراسنويارسكيي كەڭشارىنىڭ باس ينجەنەر-گيدروتەحنيگى قىزمەتىنەن باستاعان. ءار جىلدارى ق ر پرەمەر-مينيسترىنىڭ ورىنباسارىنىڭ كومەكشىسى، كەڭەسشىسى، ق ر مەملەكەتتىك كەدەن كوميتەتىنىڭ دەپارتامەنت ديرەكتورى، ق ر سىبايلاس جەمقورلىققا قارسى كۇرەس جونىندەگى مەملەكەتتىك كوميسسياسىنىڭ سەكتور مەڭگەرۋشىسى، اتىراۋ وبلىسى بويىنشا كەدەن باسقارماسىنىڭ باسشىسى، ق ر كەدەندىك باقىلاۋ اگەنتتىگى ءتوراعاسىنىڭ ءبىرىنشى ورىنباسارى قىزمەتتەرىن اتقارعان.

2005–2006 جىلدارى - ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى.

2006-2007 جىلدارى قاراعاندى وبلىسى اكىمىنىڭ ورىنباسارى.

2007–2012 جىلدارى - ق ر يندۋستريا جانە جاڭا تەحنولوگيالار مينيسترلىگىنىڭ تەحنيكالىق رەتتەۋ جانە مەترولوگيا كوميتەتى ءتوراعاسىنىڭ ورىنباسارى، ق ر يجتم ونەركاسىپ كوميتەتىنىڭ ءتوراعاسى.   

2012 جىلعى اقپان مەن 2017 جىلعى تامىز ارالىعىندا ق ر قارجى مينيسترلىگىنىڭ كەدەندىك باقىلاۋ كوميتەتى ءتوراعاسىنىڭ ورىنباسارى.

2014 جىلدىڭ تامىز ايىنان 2017 جىلدىڭ ناۋرىزىنا دەيىن ق ر ينۆەستيسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى قىزمەتىن اتقاردى.

2017 جىلعى ناۋرىز ايىنان باستاپ ق ر پرەمەر-مينيسترى كەڭسەسىنىڭ يندۋستريالىق-يننوۆاسيالىق دامۋ ءبولىمىنىڭ مەڭگەرۋشىسى بولىپ قىزمەت ەتتى.