اسا اۋىر سالماقتا جۇدىرىقتاساتىن 27 جاستاعى قازاقستاندىق بوكسشى يۆان دىچكو كاسىپقوي بوكستاعى التىنشا جەڭىسىنە قول جەتكىزدى، - دەپ حابارلايدى Vesti.kz.
سەگىز راۋندقا بەلگىلەگەن كەزدەسۋدە وعان چەمپيوندىق تيتۋلعا ەكس-ۇمىتكەر 32 جاستاعى امەريكالىق مايكل ماررونە قارسىلاس بولدى. كەزدەسۋ سەنت-پيتەرسبەرگتەگى "كوليزەيدە" وتكەن بوكس كەشىنىڭ اياسىندا ءوتىپ، ءبىرىنشى راۋندتا اياقتالدى.
قازاقستاندىق بوكسشى كارەراسىندا التىنشى جەڭىسىنە قول جەتكىزىپ وتىر. دىچكو بارلىق جەكپە-جەگىن ۋاقىتىنان بۇرىن اياقتاعان. 32 جاستاعى ماررونە بولسا كارەراسىندا توعىزىنشى رەت جەڭىلىپ وتىر، ول 21 رەت جەڭىسكە جەتكەن.
ايتا كەتەيىك، دىچكو كارەراسىندا سەگىز راۋندىق كەزدەسۋگە العاش رەت شىققان. وليمپيادا ويىندارىنىڭ قول جۇلدەگەرى 2017 جىلدىڭ قىركۇيەگىندە كاسىپقوي بوكسقا اۋىسقان بولاتىن. ونىڭ بارلىق جەكپە-جەگى اقش-تا ءوتتى.
