وتىرار اۋدانىندا 23 ماۋسىم - مەملەكەتتىك قىزمەتشىلەر كۇنى مەن مەملەكەتتىك قىزمەت ورگاندارى قۇرىلعانىنىڭ 20 جىلدىعىنا وراي ارقان تارتۋ جانە كىشى فۋتبولدان مەملەكەتتىك مەكەمە قىزمەتكەرلەرى اراسىندا اۋداندىق اشىق بىرىنشىلىك ءوتتى.

وسكەلەڭ ۇرپاقتى سالاۋاتتى ءومىر سالتىنا باۋلۋ، بۇقارالىق سپورتتى كوپشىلىككە جان-جاقتى ناسيحاتتاۋ ماقساتىندا وتكەن جارىستىڭ اشىلۋ سالتاناتىندا ءسوز العان اۋدان اكىمى ەرلان ايتاحانوۆ: «ەلباسىمىز نۇرسۇلتان نازاربايەۆتىڭ مەملەكەتتىك باعدارلامالارى مەن ءداستۇرلى جولداۋلارىندا كوتەرىلگەن مىندەتتەردى جۇزەگە اسىرۋدا وتكىزىلىپ وتىرعان بۇگىنگى سپورتتىق شارالار ق ر مەملەكەتتىك قىزمەت ورگاندارىنىڭ 20 جىلدىعىن ۇلىقتاۋعا باعىتتالىپ وتىر. مەملەكەتتىك قىزمەتشىلەردىڭ ەڭ باستى مىندەتى - حالىققا ادال قىزمەت ەتۋ.

ءاربىر مەملەكەتتىك قىزمەتشى وسى قاعيدانى ەش ۋاقىتتا ۇمىتپاۋى ءتيىس. ناقتى ايتاتىن بولساق، ۇلت مارتەبەسىن كوتەرەتىن، ەل ابىرويىن اسقاقتاتاتىن مەملەكەتتىك قىزمەتكەر بولۋ - جاۋاپتى مىندەت. ويتكەنى، مەملەكەتتىك قىزمەتشى قاي كەزدە دە بيلىكتىڭ بيىك بەينەسىن، ىسكەرلىك قابىلەتىن كورسەتەدى»- دەپ، ىزگى تىلەگىن ءبىلدىرىپ، بوس ۋاقىتتى ءتيىمدى پايدالانىپ، كەمەل كەلەشەككە دەگەن بەرىك سەنىممەن بۇقارالىق سپورتپەن شۇعىلدانۋعا شاقىردى. جارىسقا مەملەكەتتىك مەكەمە قىزمەتكەرلەرىنەن جاساقتالعان 10 كوماندا قاتىسىپ،سپورتتىق باسەكەلەستىك تانىتتى. جۇيرىكتەن وزا شاپقان جۇيرىك جەڭىمپازدارعا اۋدان باسشىسى ارنايى العىس حاتى مەن ەستەلىك مەدالدارى تابىستالدى.