«سۋپەروتباسى - 2» انيماسيالىق  ءفيلمىنىڭ تۇساۋى كەسىلدى.

شىمكەنت قالاسىنداعى «Mega Planet Shymkent» كينوتەاترىندا قازاق تىلىندە جارىق كورگەن  «سۋپەروتباسى - 2» انيماسيالىق  ءفيلمىنىڭ تۇساۋى كەسىلدى.

شاراعا وبلىس اكىمىنىڭ ورىنباسارى ەربول سادىر قاتىسىپ، وبلىس باسشىسىنىڭ قۇتتىقتاۋىن جەتكىزدى.

«سۋپەروتباسى- 2» ءفيلمى - «بولاشاق» كورپوراتيۆتىك قورى قازاق تىلىنە ءتارجىمالاعان 24ء-شى تۋىندى. قازاق تىلىندەگى دۋبلياجدىڭ رەجيسسەرى شاح-مۇرات وردابايەۆ. 

«سۋپەروتباسى - 2» ءفيلمى جاس اكتەرلەر - ديدار قۇرالبايەۆ پەن ايكوركەم ادىلگەرەيەۆانىڭ دەبيۋتتى جۇمىسىنا اينالدى.

دۋبلياج جاسايتىن اكتەرلەردى ىزدەستىرۋ بارىسىندا ۇزاق ۋاقىت بويى ۆيولەتتانىڭ كەيىپكەرى ءۇشىن داۋىس تابا الماعان ءفيلمنىڭ دۋبلياجدىق توبى قازاقستان بويىنشا ىزدەستىرۋ جۇمىستارى بارىسىندا  ايكوركەم ادىلگەرەيەۆانى تاڭداسا،  شاستيك ءرولىن دىبىستاۋعا جاس اكتەر ديدار قۇرالبايەۆ لايىق دەپ تانىلدى. «شاستيكتىڭ» اتى قازاق تىلىنە «جەلاياق» دەپ اۋدارىلعان.  فيلمگە  60-تان اسا اكتەر ات سالىستى.

شاراعا قاتىسۋشىلار سالتاناتتى اشىلۋدان سوڭ «سۋپەروتباسى - 2» انيماسيالىق  ءفيلمىن تاماشالادى.