شۋ قالاسىنىڭ ماڭىندا جولاۋشىلار پويىزى اۋدارىلدى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
توتەنشە جاعدايدىڭ كۋاگەرلەرى وقيعانىڭ 14.00-دە جامبىل وبلىسىنداعى شۋ ستانسياسىنىڭ ماڭىندا بولعانىن حابارلادى. بۇل - "استانا-الماتى" باعىتىنداعى №9 "بايتەرەك" پويىزى. ق ر ءىىم تجك رەسمي وكىلى رۋسلان يمانقۇلوۆ بۇل مالىمەتتى راستادى.
"الدىن الا مالىمەت بويىنشا، استانا-الماتى جولاۋشىلار پويىزىنىڭ ءۇش ۆاگونى رەلستەن شىعىپ كەتكەن، جامبىل وبلىسى، شۋ اۋدانى. كەلىپ ءتۇسىپ جاتقان مالىمەت بويىنشا، زارداپ شەككەندەر بار، ءبىراق ازىرشە ءبىزدىڭ بولىمشەلەر وقيعا ورنىنا بارا جاتىر"، - دەپ حابارلادى يمانقۇلوۆ.
"شامامەن 30 مينۋت بۇرىن بولدى. ءوزىمىز 9-شى ۆاگوندا كەلە جاتتىق. ال 13، 14 جانە 15ء-شى ۆاگوندار اۋدارىلدى. ءبىز رەلستەن شىعىپ كەتكەن سياقتى بولدىق. سوسىن دەرەۋ توقتادى"، - دەيدى پويىز جولاۋشىلارىنىڭ ءبىرى.
تاعى ءبىر جولاۋشىنىڭ سوزىنشە، وقيعا ورنىنا جەدەل قىزمەت پەن جەدەل جاردەم جەتكەن. تاعى ءبىر قوسىمشا پويىز كەلىپ، ادامداردى وتىرعىزىپ جاتىر ەكەن.
