شۋ قالاسىنىڭ ماڭىندا "استانا-الماتى" باعىتىنداعى №9 "بايتەرەك" پويىزى اۋدارىلدى، دەپ حابارلايدى Qamshy.kz اقپارات اگەنتتىگى.
وقيعا ورنىندا تۇسىرىلگەن ۆيدەو الەۋمەتتىك جەلىدە تاراپ جاتىر.
ق ر ءىىد توتەنشە جاعدايلار كوميتەتىنىڭ حابارلاۋىنشا، قۇتقارۋ قىزمەتى ۆاگوندار اۋدارىلعان جەرگە شىعىپ كەتكەن.
كۋاگەرلەرى پويىز اپاتىنىڭ بۇگىن 14.00-دە جامبىل وبلىسىنداعى شۋ بەكەتىنىڭ ماڭىندا بولعانىن ايتادى. بۇل اقپاراتتى ق ر ءىىم تجك رەسمي وكىلى رۋسلان يمانقۇلوۆ راستادى.
"الدىن الا مالىمەت بويىنشا جامبىل وبلىسى شۋ اۋدانىندا "استانا – الماتى" جولاۋشىلار پويىزىنىڭ ءۇش ۆاگونى رەلستەن تايىپ كەتكەن. كەلىپ ءتۇسىپ جاتقان مالىمەتكە سۇيەنسەك، زارداپ شەككەندەر بار، ءبىراق ازىرگە ءبىزدىڭ بولىمشەلەر وقيعا ورنىنا بارا جاتىر"، - دەپ حابارلادى يمانقۇلوۆ.
ق ر ءىىم تجك وكىلدەرىنىڭ سوزىنشە، رەلستەن جەتى ۆاگون شىعىپ، ونىڭ ۇشەۋى قۇلاعان.
"جولاۋشىلار تاسىمالى" اق-نىڭ باسپا ءسوز قىزمەتى قوسىمشا اقپاراتتى ءسال كەشىرەك بەرۋگە ۋادە ەتتى.
