بۇگىن جامبىل وبلىسىندا جولاۋشىلار پويىزىنىڭ اۋدارىلعان تۋرالى الەۋمەتتىك جەلىدە ۆيدەو تارادى. وقيعاعا دۋشار بولعانداردىڭ ايتۋىنشا، 6 ۆاگون رەلستەن شىعىپ كەتكەن. جولاۋشىلار ءوز كۇشتەرىمەن پويىزدان شىعىپ جاتىر. بۇل جايىندا Qamshy.kz اقپارات اگەنتتىگى Turaninfo.kz سايتىنا سىلتەمە جاساپ.
«بۇگىن ساعات 13.25-تە توتەنشە جاعدايلار دەپارتامەنتىنە شۋ مەن شىعاناقتىڭ ورتاسىندا الماتىدان استاناعا قاتىنايتىن پاسساجيرلىك 09 — بايتەرەك پويىزى اۋدارىلعانى تۋرالى اقپارات ءتۇستى. 6 ۆاگون رەلستەن شىعىپ، 3 ۆاگون اۋدارىلعان. قازىرگى ۋاقىتتا 1 ءجاسوسىپىرىم قازا تاۋىپ، 4 ادام اۋداندىق اۋرۋحاناعا جونەلتىلدى. ەكىنشى جولعا پويىز كەلىپ، جولاۋشىلاردى شۋعا جەتكىزۋدە، ال قالعاندارىنا اۆتوبۋستاردى ۇيىمداستىرىپ جاتىرمىز» — دەپ مالىمدەدى جامبىل وبلىستىق توتەنشە جاعدايلار دەپارتامەنتىنىڭ باسپا ءسوز حاتشىسى ساۋلە مۇناتايەۆا.
