باتىس قازاقستان وبلىسىنىڭ سىرىم اۋدانىنىڭ ورتالىعى جىمپيتى اۋىلىنداعى «اتامەكەن – سىرىم» اۋىل شارۋاشىلىق وندىرىستىك كووپەراتيۆىنىڭ ءمودۋلدى مال سويۋ پۋنكتى قارقىندى جۇمىس جاساۋدا.

ايتا كەتسەك، ءمودۋلدى مال سويۋ پۋنكتى اۋىسىمىنا 10 مالدى بىردەي قابىلداي الاتىن مال سويۋ الاڭىنان، سىيىمدىلىعى اۋىسىمىنا 4 توننا ءونىم ساقتاۋ مۇمكىندىگى بار توڭازىتقىش بولىگىنەن جانە ۆەتەرينارلىق زەرتحانادان تۇرادى. جوبانىڭ قۇنى 27 ملن.تەڭگەنى قۇرايدى.

- ءبىز بۇل نىساننىڭ قۇرىلىسى ءۇشىن «اۋىلشارۋاشىلىعىن قارجىلاي قولداۋ قورى» اق ارقىلى 23 ملن.تەڭگە نەسيە الدىق. قالعان قاراجات كووپەراتيۆتىڭ ەسەبىنەن تولىقتىرىلدى. اۋىلداعى جەكە ادامداردىڭ مال بورداقىلاۋ ءىسىن دامىتۋ ماقساتىندا 2017 جىلى «بەرەكە» باعدارلاماسى جۇزەگە اسىرىلا باستادى.تۇلىگىن كۇيلەندىرىپ وتىرعان تۇرعىندار ەندىگى جەردە جاڭا پۋنكت ارقىلى مال سويۋ مەن ءونىمدى ساقتاۋدىڭ ساپالى قىزمەتىن تۇتىنا الادى.

سەبەبى مالدى ءۇي جاعدايىندا، قورا-قوپسىنىڭ ماڭىندا سويۋعا ءقازىر رۇقسات جوق. پۋنكت قىزمەتىنىڭ باعاسى جالپى حالىق ءۇشىن 5000 تەڭگە دەپ بەلگىلەندى. كووپەراتيۆ مۇشەلەرى ءۇشىن مالدى تاسىمالداۋ مەن سويۋ، ساقتاۋ قىزمەتتەرىندە جەڭىلدىك بولادى،- دەيدى «اتامەكەن-سىرىم» اۋىل شارۋاشىلىعى وندىرىستىك كووپەراتيۆىنىڭ جەتەكشىسى ايدىنعالي بالعالييەۆ.

مامانداردىڭ ايتۋىنشا، پۋنكتتىڭ ەڭ باستى تيىمدىلىگى – تازالىق. بۇل جەردە مال ەتىنىڭ ساپاسى ارنايى اتتەستاسيادان وتكەن ۆەتەرينار ماماننىڭ قاداعالاۋىندا بولادى. تۇرعىندار ءمودۋلدى مال سويۋ پۋنكتى ارقىلى مالدىڭ سويىلعانى جونىندەگى قۇجاتتى دا ەش كەدەرگىسىز راسىمدەي الادى. ۆەتەرينار ماماننان بولەك، كووپەراتيۆتە قاساپشى جانە قاساپشىنىڭ كومەكشىسى، مالدىڭ ىشكى قۇرىلىسىن قابىلداۋشى مامان جۇمىس جاسايتىن بولادى.

نىساننىڭ قۇرىلىسىن «اكادەم ستروي» جاۋاپكەرشىلىگى شەكتەۋلى سەرىكتەستىگى جۇرگىزدى. سىرىم اۋدانىنداعى مال سويۋ پۋنكتى - وڭىردە ىسكە قوسىلعان العاشقى ءمودۋلدى پۋنكتتەردىڭ ءبىرى.