23-24 ماۋسىم كۇندەرى "بورالداي ساق قورعاندارى" ارحەولوگيالىق پاركىندە حالىقارالىق «ۇلى دالا – كوشپەندىلەر الەمى» ەتنوفەستيۆالى وتەدى.
اتالعان شاراعا ۆەنگريانىڭ، مونعوليانىڭ،ۋكراينانىڭ، وزبەكستاننىڭ، باشقۇرتستاننىڭ، تىۆى مەن داعىستاننىڭ،ساحا مەن التاي رەسپۋبليكاسىنىڭ، قالماقيا مەن بۋرياتيانىڭ جانە باسقالارىنىڭ اسكەري ءداستۇردى ساقتاۋشىلارى قاتىسادى. باتىرلار اتا- بابالارىمىزدىڭ كونەدەن ساقتالعان اسكەري ونەرى مەن شەبەرلىكتەرىن پاش ەتەدى.
ەتنوفەستيۆالدى ۇيىمداستىرۋشىلار عاسىر ماشيناسى ىسپەتتى كورەرمەندەرگە كوشپەلى ءداۋىر ءومىرىن كورسەتەدى.
«ەگەر قىسقاشا ايتاتىن بولساق، «ۇلى دالا – كوشپەندىلەر الەمى» ەتنوفەستيۆالى ۇلتتىق مادەنيەتتى ناسيحاتتاۋدىڭ ءتيىمدى ءادىسى. قوناقتار، اسىرەسە شەتەلدىكتەر قازاقتاردىڭ مادەنيەتىنە،ۇلتىق داستۇرلەرگە،دەكوراتۆيتى- قولدانبالى ونەرگە،نومادتاردىڭ باي جىراۋلىق قاسيەتتەرىنە، كوشپەندىلەردىڭ كونە عۇرىپتارى مەن تۇرمىسىنا، ۇلتتىق اتسپورت ويىندارىنىڭ، ۇلى دالانىڭ كەڭدىگىنە تەرەڭ بويلايدى»، - دەپ تۇسىنىكتەمە بەردى الماتى قالاسىنىڭ مادەنيەت پەن مۇراعاتتار باسقارماسى.
الماتىلىقتار مەن قالا قوناقتارى باتىرلاردىڭ جەكپە- جەگىنە، اتتىڭ ۇستىندە تۇرىپ جەردەن تىيىن الاتىن، قارسىلاسىن ەرتوقىمىمەن بىرگە سۋىرىپ الاتىن شاباندوزداردىڭ شەبەرلىگى مەن ەپتىلىگىنە ءتانتى بولادى.
بۇلاردان وزگە، شاراعا كەلگەندەردىڭ ءارقايسىسى ءوز مۇمكىندىگىن سارالاپ، ءتۇرلى سايىستارعا،ۆيكتورينالارعا قاتىسىپ، باعالى سىيلىقتارعا يە بولىپ، زەرگەرلىك بۇيىمداردى، ۇلتتىق تاعامداردى، شاعىن كيىز ۇيلەردى كورە الادى. ۇزدىك ۇلتتىق كيىمگە ارنايى جۇلدە قاراستىرىلعان. كىشكەنتاي كورەرمەندەردى كوڭىلدى ءارى تانىمدىق شارالار كۇتىپ تۇر.
«ۇلى دالا – كوشپەندىلەر الەمى» ەتنوفەستيۆالى عاسىرلار قويناۋىن قايتا جاڭعىرتادى، ەل تاريحىنا دەگەن سەزىمدى كۇشەيتەدى، تاريحي ساۋاتتىلىقتى ارتتىرىپ، قازاقستاندىقتاردى پاتريوتيزمگە باۋليدى. كورسەتىلىمدەردى تاماشالاۋ - ەجەلگى قازاق "اتتراكسيونىنىڭ" كورەرمەنىنە اينالۋ، ۇيرەتىلمەگەن تۇلپاردى باعىندىرۋ»، - دەدى باسقارماداعىلار.
فەستيۆال اياسىندا ەتنيكالىق مۋزىكانىڭ الەمدىك جۇلدىزدارىنىڭ كونسەرتى، ساداقشىلار ءتۋرنيرى، ۇلتتىق قازاق كۇرەسى، بايگە، بۇركىتشىلەر مەن اڭ اۋلايتىن يتتەردىڭ سايىستارى ۇيىمداستىرىلادى.
شارا 23-24 ماۋسىمدا ساعات 10:00 دەن 19.00 –گە دەيىن الاتاۋ اۋدانىنداعى «بورالداي ساق قورعاندارى» ارحيەولوگيالىق پاركىندە وتەدى، كىرۋ تەگىن.
فەستيۆال كورەرمەندەرى ءۇشىن "استانا" الاڭىنان، ورتالىق ستاديوننان، "الاتاۋ" ءداستۇرلى ونەر تەاترىنان،"ساياحات" اۆتوۆوكزالىنان ءار جارتى ساعات سايىن ارنايى اۆتبۋستار جۇرەتىن بولادى.
