ورتا سالماقتا WBC، WBA (Super) جانە IBO تۇجىرىمدارى بويىنشا الەم چەمپيونى گەنناديي گولوۆكين (38-0-1، 34 كو) مەكسيكالىق ساۋل "كانەلو" الۆارەسكە (49-1-2، 34 كو) قارسى وتەتىن ەكىنشى كەزدەسۋدىڭ الدىندا قازاقستانعا كەلەدى. بۇل تۋرالى بوكسشىنىڭ ءوزى Yahoo! Sports پورتالىنا بەرگەن سۇقباتىندا ايتتى، دەپ جازادى vesti.kz. 

"مەن قازاقستانعا جول ءجۇرىپ بارا جاتىرمىن. كەلەسى اپتادا قايتا كەلىپ، جاتتىعۋدى باستايدى. الدىمەن ۇيگە بارىپ، دوستارىم مەن تۋىستارىمدى كورىپ قايتقىم كەلەدى. مەنىڭ ءقازىر دەمالىسقا ۋاقىتىم بار. كەلەسى اپتادان باستاپ نازارىمدى ءجۇز پايىز بوكسقا اۋىستىرامىن"، - دەيدى گولوۆكين. 

ەسكە سالايىق، گولوۆكين مەن "كانەلو" ەكىنشى كەزدەسۋدىڭ الدىندا بىرلەسىپ باسپا ءسوز جيىنىن وتكىزۋدەن باس تارتتى. ولار ەندى تەك كەزدەسۋگە ءبىر اپتا قالعاندا عانا بىرلەسىپ باسپا ءسوز جيىنىن وتكىزەدى. ولاردىڭ ەكىنشى كەزدەسۋى 15 قىركۇيەككە جوسپارلانعان.