«نيۆا» مەن «لادا-گرانتا» كولىكتەرىنىڭ كىلتى بيۋدجەتتىڭ ءتورتىنشى دەڭگەيىن ەنگىزگەن اۋىل اكىمدەرىنە تابىستالدى، دەپ حابارلايدى pavlodarnews.kz. جاڭا تۇلپارلاردىڭ كىلتىن مەملەكەتتىك قىزمەتشىلەر كۇنى  قارساڭىندا وبلىس اكىمى بولات باقاۋوۆ تاپسىردى.

– مەملەكەتتىڭ كۇشى ونىڭ قىزمەتكەرلەرى مەن ولاردىڭ جۇمىسىنىڭ ءتيىمدى بولۋىنا بايلانىستى، - دەدى بولات باقاۋوۆ.

– تەك سوندا عانا ەلىمىز جەتىستىككە جەتىپ، گۇلدەنەدى. قۇرمەتتى مەملەكەتتىك قىزمەتكەرلەر، سىزدەر ادال ەڭبەكتەرىڭىز ءۇشىن وسىنداي قۇرمەتكە لايىقسىزدار. سىزدەرگە العىسىمدى بىلدىرەمىن. جالپى بيۋدجەتتىڭ ءتورتىنشى دەڭگەيى 32 اۋىلدا ەنگىزىلگەن. ءتورت «لادا-گرانتا» مەن 16 «نيۆا» كولىكتەرى ەستاي اتىنداعى مادەنيەت سارايىنان  ءوز اۋىلدارىنا كەتەدى. بۇعان باسقا، توعىز كولىكتىڭ كىلتى  اۋىل اكىمدەرىنە بۇدان بۇرىن تاپسىرىلعان، ال ءۇش كولىكتىڭ قۇجاتى ازىرلەنۋدە. پاۆلودار وبلىسىنداعى ەڭ جاس اكىم دانيار ايتىشيەۆتىڭ ايتۋىنشا، جاڭا كولىك تەرەڭكول اۋىلىنا دەر كەزىندە جەتكىزىلگەن. - كاچير اۋدانىنىڭ ورتالىعىندا سەگىز مىڭ ادام تۇرادى، - دەدى اۋىل اكىمى.

– اۋىلدى ءتورتىنشى دەڭگەيگە اۋدارۋ جۇمىسى قيىن بولعان جوق. ول اۋىل تۇرعىندارىنان جىبەرىلەتىن التى سالىق تۇرىنەن قۇرىلادى. ەگەر دە  بۇرىن بارلىق قاراجات اۋدانعا اۋدارىلسا، ءقازىر قوماقتى سوما اۋىلدا قالادى. تۇرعىندار سالىقتى ۋاقىتىندا تولەپ تۇرسا،  ءتىپتى جاقسى بولار ەدى. مەرەكە قارساڭىندا پاۆلودارلىق شەنەۋنىكتەرگە ايماقتىڭ ەڭ ۇلكەن ساحناسىندا كونسەرتتىك باعدارلاما ۇيىمداستىرىلدى.

شارا بارىسىندا  13 مەملەكەتتىك قىزمەتكەر وبلىس اكىمىنىڭ قۇرمەت گراموتالارى مەن العىس حاتتارىن الدى.