الماتى اكىمى باۋىرجان بايبەك سيفرلاندىرۋ كۇندەرى اياسىندا قالانىڭ ستارتاپ - كومپانيالارىنىڭ وكىلدەرىمەن كەزدەستى. «Smart.Poin» تەحنولوگيالىق كەڭىستىگىنىڭ الاڭىندا بەيرەسمي تۇردە ستارتاپ - ورتانى دامىتۋدىڭ بارىنشا ماڭىزدى ماسەلەلەرى تالقىلاندى.

بۇگىنگى كۇنى الماتى سيفرلاندىرۋدى ەنگىزۋ جانە ەلىمىزدىڭ بارلىق ءىت ونىمدەرىن شىعارۋ بويىنشا كوشباسشى. «اقىلدى قالا» كونسەپسياسى بارىسىندا قاۋىپسىزدىك، قوعامدىق كولىك، ءبىلىم جانە دەنساۋلىق ساقتاۋ سالالارىندا جۇيەلى سيفرلاندىرۋ جوبالارى ىسكە اسۋدا. بۇل كرەاتيۆتى كاسىپكەرلەر مەن ستارتاپەرلەر ءۇشىن ءىرى نارىق بولىپ تابىلادى.

مەگاپوليس باسشىسى جاڭا تەحنولوگيالاردى ەنگىزۋ پروسەستەردى اشىق جۇرگىزۋگە جانە وپەراسيالىق شىعىنداردى ازايتۋعا ىقپال ەتەتىنىن، سونىمەن قاتار مەملەكەتتىك اپپارات پەن بيزنەستە ءتيىمدى اكىمشىلىككە قول جەتكىزەتىنىن اتاپ ءوتتى.

«مەملەكەتتىڭ مىندەتى – بيۋروكراتتىق كەدەرگىلەردى بارىنشا ازايتۋ، ءتيىستى ينفراقۇرىلىمدى قالىپتاستىرۋ، بيزنەس باستامالاردى ىنتالاندىرۋ. ول ءۇشىن قالادا ءتۇرلى قولداۋ شارالارى جۇزەگە اسۋدا، سونىڭ ىشىندە ارنايى ەكونوميكالىق ايماقتار جانە مەحانيزمدەر ارقىلى كاسىپكەرلەر قارجىلىق رەسۋرستارعا قول جەتكىزۋدە. دەگەنمەن، كەدەرگىلەر دە بارشىلىق، ال ولاردى دۇرىس شەشۋ ءۇشىن ءبىز جۇمىس جاساپ جاتقان كومپانيالار وكىلدەرىمەن عانا ەمەس، ءىستى ەندى عانا قولعا العان ستارتاپەرلەرمەن دە تۇراقتى كەزدەسەمىز»، - دەدى باۋىرجان بايبەك.

الماتىلىق ستارتاپەرلەرمەن كەزدەسۋ كەزىندە الەمنىڭ وقۋ ورىندارىنداعى گرانتتار مەن ستيپەنديالار تۋرالى اقپارات بەرەتىن «NeUpusti.net» سەرۆيسى، «Web-كاسسا» كاساالىق اپپاراتى، «بۋحتا» ونلاين - بۋحگالتەرياسى، قۇجاتتار مەن ادامداردىڭ ءجۇزىن انىقتايتىن «Verigram» جۇيەسى، «Torgai» قارجى ەسەبىنىڭ ونلاين-پلاتفورماسى، ايىپپۇلداردى تولەۋ جانە تەكسەرۋ جونىندەگى «Okauto» سەرۆيسى تانىستىرىلدى..

«Nur.kz» پورتالىنىڭ جاڭا مەديا - جوبالارى تۋرالى ونىڭ باس ديرەكتورى قۋات باحريدينوۆ ايتىپ بەردى. جاقىن ارادا قازاقستانداعى جاڭا مۋزىكالىق ستريمينگ سەرۆيسىن جانە وتاندىق كونتەنتكە كوشىرىلگەن ۆيدەوكونتەنتتى «video on demand» ونلاين - الاڭىن جۇزەگە اسىرۋ جوسپارلانعانىن جەتكىزدى.

كەزدەسۋ بارىسىندا باۋىرجان بايبەك الماتى اكىمدىگىنىڭ كەرى بايلانىس پەن پراكتيكالىق مىندەتتەردى شەشۋ ءۇشىن مۇنداي كەزدەسۋلەردى تۇراقتى وتكىزىۋگە دايىن ەكەنىن ايتتى. ءوز كەزەگىندە «Relog» كومپانياسىنىڭ نەگىزىن قالاۋشى، كولىك لوگيستيكاسىن وڭتايلاندىرۋ جونىندەگى سەرۆيستى قامتاماسىز ەتۋشى «ءتارتىپ» اق جۇمىس ىستەۋدىڭ كۇردەلى ەكەنى تۋرالى ماسەلە كوتەردى.

«ءبىزدىڭ ءونىمىمىز ارنايى كولىك لوگيستيكاسىنا كەتەتىن شىعىندى ازايتادى، ال بۇل تۇرمىستىق قاتقىل قالدىقتاردى تاسىمالداۋمەن اينالىساتىن كومپانيا ءۇشىن وتە ءتيىمدى. وڭتايلاندىرۋ كولىك باعىتىن ۇتىمدى ۇيىمداستىرۋ، مونيتورينگ پەن جۇيەدەگى ساراپتاما فۋنكسيالارى ەسەبىن دۇرىس باسقارۋ بارىسىندا جۇزەگە اسادى»، - دەدى باۋىرجان رۇستەموۆ.

مەگاپوليس باسشىسى ءتيىستى باسقارمالارعا قالانىڭ كوممۋنالدىق قىزمەتتەرىندە ولاردىڭ جۇمىس تيىمدىلىگىن ارتتىرۋ ءۇشىن كومپانيالاردىڭ IT-ونىمدەرىن پايدالانۋ جونىندە تاپسىرما بەردى.

«ءبىز ءۇشىن «اقىلدى قالا» – تۇرىندار مەن بيلىكتىڭ ىسكە ترانسفورماسيالىق جانە مادەني تۇرعىدان كەلۋى. تەحنولوگيالار — بۇل بارلىق باسقارۋ پروسەسستەرىنىڭ تيىمدىلىگىن ارتتىرۋدىڭ قۇرالى عانا. ءبىز سىزدەردەن جاڭا ءارى پايدالى ونىمدەردى، كرەاتيۆتى يدەيالاردى كۇتەمىز جانە وزگەرستەرگە دايىنبىز، وسى جولمەن بىرگە جۇرەتىن بولامىز»، - دەپ اتاپ ءوتتى قالا باسشىسى.

«SmArt.Point» جوباسى - بۇل تەحنولوگيالىق كەڭىستىك نەمەسە IT-حاب، ونىڭ قۇرامىنا جوعارى تەحنولوگيا مەن كرەاتيۆتى بيزنەس سالاسىنداعى 40 كومپانيا ەنگەن. ورتالىق تاۋلىگىنە 24 ساعات بويىنا، اپتاسىنا جەتى كۇن ىشىندە ىستەيدى. مۇندا سويلەسەتىن بولمەلەر، ويىن الاڭدارى، سپورت زالى بار.