الماتىدا وتكەن تاڭعى جاتتىعۋعا سپورتقا جانى قۇمار جاندار تەگىن قاتىسۋعا مۇمكىندىك الدى.
تۇڭعىش پرەزيدەنت ساياباعىندا تاجىريبەلى فيتنەس-قۇرىلىمداۋشىلار تاڭعى سپورتتىق جاتتىعۋدى تەگىن وتكىزدى. سپورتپەن شۇعىلدانۋعا ستۋدەنتتەر جانە زەينەتكەرلەر كەلدى.
«سپورتپەن اينالىسقىسى كەلەتىندەرگە ءبىز كەشەندى دەنە جاتتىعۋىنىڭ قالاي جاسالاتىنىن كورسەتتىك. وسى ارقىلى قازاقستاندىقتاردى سپورتقا شاقىراتىن «سەنىڭ جاڭا قىرىڭ» دەپ اتالاتىن ەستافەتاعا ۇلەسىمىزدى قوستىق. ءبىز وتىرىپ-تۇرۋ، جىلدام ادىمداۋ ارقىلى، دجامپينگ دجەك پەن جارتىلاي سەكىرۋ جاتتىعۋلارىنىڭ كومەگىمەن دەنەنىڭ بارلىق بولىگىن قوزعادىق. بۇل جاتتىعۋلاردى جاسى دا كارىسى دە ەش قيىندىقسىز جاساي الادى» - دەدى فيتنەس-جاتتىقتىرۋشى دەنيس جۋروۆ.
ايتا كەتەيىك، «سپورتتىق الماتى» باعدارلاماسى اياسىندا Almaty Street Fitness كوشە جاتتىعۋلارى ءار جەكسەنبى كۇنى وتكىزىلەدى. شارا قالا تۇرعىندارى مەن قوناقتارىنا دۇرىس جاتتىعۋ تاسىلدەرى مەن تاماقتانۋ ءتارتىبىن قالىپتاستىرۋعا كومەكتەسىپ، سول ارقىلى سالاۋاتتى ءومىر سالتىن ناسيحاتتاۋعا باعىتتالعان.
