ق ر مەملەكەتتىك رامىزدەر كۇنىنە وراي ءداستۇرلى جەكسەنبىلىك ۆەلوشەرۋ ءوتتى. شارا «سپورتتىق الماتى» بۇقارالىق سپورتتى دامىتۋ جوباسى اياسىندا جۇزەگە اسىرىلدى. 300-گە جۋىق اۋەسقوي سپورتشى بۇل جولى 8 شاقىرىم قاشىقتىقتى باعىندىردى. ۆەلوشەرۋ «استانا» الاڭىنىڭ ماڭىندا اياقتالدى. مارە مەجەلى ۋاقىتتا جەتكەن رۋسلان لەيپوۆوي سۋ جاڭا ۆەلوسيپەدتىڭ يەسى اتاندى.

«بۇل مەنىڭ بەسىنشى ۆەلوشەرۋىم. جىل سايىن قاتىسامىن. بۇل جولعى ۇتىسىمدى ايەلىمە سىيلايمىن. شىنىمدى ايتسام، بۇل كۇتپەگەن توسىن سىي بولدى، جەڭەمىن دەپ ويلاماپ ەدىم.  قۋانىشىمدا شەك جوق. ۇيىمداستىرۋشىلارعا العىس ايتامىن. بۇيىرسا،  ايەلىم ەكەۋىمىز ۆەلوشەرۋلەرگە قاتىساتىن بولامىز»، - دەدى رۋسلان لەيپوۆوي.

مەرەكەلىك ۆەلوشەرۋ «KFC Battle» حالىقارالىق فەستيۆالىنە جالعاستى. جوبانىڭ باستى باعىتتارىنىڭ ءبىرى سپورت بولىپ تابىلادى. فەستيۆال اياسىندا 15-25 جاس ارالىعىنداعى قىزدار مەن ۇلدار ستريتبول، ۆوركاۋت جانە تاعى دا باسقا سپورت تۇرلەرىنەن ءوزارا ب ا ق سىناستى.

ايتا كەتۋ كەرەك، ۆەلوشەرۋ «سپورتتىق الماتى» قالالىق باعدارلاماسى اياسىندا بيىلعا جوسپارلانعان 21 ۆەلوشەرۋدىڭ التىنشىسى بولىپ وتىر.