23-24 ماۋسىم كۇندەرى "بورالداي ساق قورعاندارى" ارحەولوگيالىق پاركىندە حالىقارالىق «ۇلى دالا – كوشپەندىلەر الەمى» ەتنوفەستيۆالى وتەدى. وعان ءبىر كۇن ىشىندە عانا 15000-نان استام كەلەدى دەپ كۇتىلۋدە.
الماتىعا ۆەنگريانىڭ، مونعوليانىڭ،ۋكراينانىڭ، وزبەكستاننىڭ، باشقۇرتستاننىڭ، تىۆى مەن داعىستاننىڭ،ساحا مەن التاي رەسپۋبليكاسىنىڭ، قالماقيا مەن بۋرياتيانىڭ جانە باسقالارىنىڭ اسكەري ءداستۇردى ساقتايتىن وكىلدەرى كەلەدى، ولار تۇرىك ەلدەرىنىڭ كونەدەن ساقتالعان اسكەري ونەرى مەن شەبەرلىكتەرىن پاش ەتەدى.
فەستيۆال قوناقتارىنا ىڭعايلى بولۋ ءۇشىن تاڭعى ساعات 8.00-دەن 19.00-گە دەيىن "بورالداي ساق قورعاندارى" پاركىنە دەيىن جانە كەرى باعىتقا ءتورت نۇكتەدەن ارنايى اۆوتبۋس باعىتتارى ۇيىمداستىرىلعان، ولار: «الماتى ارەنا» («الاتاۋ» ءدوت كولىك الاڭى)، «الماتى-1» تەمىرجول ۆوكزالى (وسيپەنكو كوشەسىنىڭ بويىمەن،س.سەيفۋللين كوشەسىنىڭ قيىلىسى)، ورتالىق ستاديون (.ا.بايتۇرسىنوۆ كوشەسى بويىمەن، اباي داڭعىلى مەن ساتپايەۆ كوشەسىنىڭ اراسى) جانە مەترونىڭ «رايىمبەك» بەكەتى (ن.نازاربايەۆ داڭعىلى،رايىمبەك باتىر داڭعىلىنان تومەن). جولاقىسى 150 تەڭگە.
الماتىلىقتار مەن قالا قوناقتارى باتىرلاردىڭ جەكپە- جەگىنە، اتتىڭ ۇستىندە تۇرىپ جەردەن تىيىن كوتەرەتىن، قارسىلاسىن ەرتوقىمىمەن بىرگە اتتىڭ ۇستىنەن سۋىرىپ الاتىن شاباندوزداردىڭ شەبەرلىگى مەن ەپتىلىگىنە ءتانتى بولادى.
بۇلاردان وزگە، شاراعا كەلگەندەردىڭ ءارقايسىسى ءوز مۇمكىندىگىن سارالاپ، ءتۇرلى سايىستارعا،ۆيكتورينالارعا قاتىسىپ، باعالى سىيلىقتارعا يە بولىپ، زەرگەرلىك بۇيىمداردى، ۇلتتىق تاعامداردى، شاعىن كيىز ۇيلەردى كورە الادى. ۇزدىك ۇلتتىق كيىمگە ارنايى جۇلدە قاراستىرىلعان. كىشكەنتاي كورەرمەندەردى كوڭىلدى ءارى تانىمدىق شارالار كۇتىپ تۇر.
« ۇلى دالا – كوشپەندىلەر الەمى» ەتنوفەستيۆالى عاسىرلار قويناۋىن قايتا جاڭعىرتادى، ەل تاريحىنا دەگەن سەزىمدى كۇشەيتەدى، تاريحي ساۋاتتىلىقتى ارتتىرىپ، قازاقستاندىقتاردى پاتريوتيزمگە باۋليدى. كورسەتىلىمدەردى تاماشالاۋ - ەجەلگى قازاق "اتتراكسيونىنىڭ" كورەرمەنىنە اينالۋ، ۇيرەتىلمەگەن تۇلپاردى باعىندىرۋ»، - دەدى باسقارماداعىلار.
فەستيۆال اياسىندا ساداقشىلار ءتۋرنيرى، ۇلتتىق قازاق كۇرەسى، بايگە، بۇركىتشىلەر مەن اڭ اۋلايتىن يتتەردىڭ سايىستارى ۇيىمداستىرىلادى. بۇلاردان وزگە، ەتنيكالىق مۋزىكانىڭ الەمدىك جۇلدىزدارىنىڭ، «سازگەن سازى» ەتنو- فولكلورلىق ءانسامبلىنىڭ،«ۇلىتاۋ»، «الاش ۇلى»، «سامراد» توپتارى مەن باسقالارى ونەر كورسەتەدى.
شارا 23-24 ماۋسىمدا ساعات 10:00 دەن 19.00 –گە دەيىن الماتى قالاسى الاتاۋ اۋدانىنداعى «بورالداي ساق قورعاندارى» ارحيەولوگيالىق پاركىندە وتەدى، كىرۋ تەگىن.
