22 ماۋسىمدا الماتى قالاسى اكىمدىگىندە قالالىق اكىمدىك ق ر بعم عك فيلوسوفيا، ساياساتتانۋ جانە ءدىنتانۋ ينستيتۋتىمەن بىرلەسە ۇيىمداستىرعان «ءدىن سالاسىنداعى مەملەكەتتىك ساياسات جانە قوعامدىق سانانى جاڭعىرتۋدىڭ وزەكتى باعىتتارىنىڭ ءبىرى رەتىندە «ءدىني قىزمەت پەن ءدىني بىرلەستىكتەر ماسەلەلەرى بويىنشا ق ر كەيبىر زاڭ اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى تاقىرىبىنداعى» دوڭگەلەك ۇستەل ءوتتى.

دوڭگەلەك ۇستەلدىڭ ماقساتى - قوعامدىق سانانى جاڭعىرتۋداعى ءدىن جانە ءدىني مادەنيەتتىڭ ءرولىن تالقىلاۋعا، زاڭنىڭ جاڭا اسپەكتىلەرى كونتەكسىندە زايىرلى قازاقستانداعى ءدىننىڭ فۋنكسيالارىن تۇسىنۋگە باعىتتالعان.

دوڭگەلەك ۇستەل جۇمىسىنا قازاقستان رەسپۋبليكاسى پارلامەنت سەناتىنىڭ دەپۋتاتى س.م. ەرشوۆ، قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگىنىڭ ءدىن ىستەرى كوميتەتىنىڭ ءتوراعاسى    ە.ا. وڭعاربايەۆ، الماتى قالاسى اكىمدىگى جانىنداعى ءدىني ۇيىمدارمەن بايلانىس جونىندەگى كەڭەس مۇشەلەرى، ق ر بعم عك «فيلوسوفيا، ساياساتتانۋ جانە ءدىنتانۋ ينستيتۋتى»، د.ا. قونايەۆ اتىنداعى ەۋرازيالىق زاڭ اكادەمياسى، ءال-فارابي اتىنداعى قازاق ۇلتتىق ۋنيۆەرسيتەتىنىڭ، ابىلاي حان اتىنداعى قازاق حالىقارالىق قاتىناستار مەن الەم تىلدەرى، «نۇر-مۇباراك» ەگيپەت يسلام مادەنيەتى ۋنيۆەرسيتەتىنىڭ عالىمدارى مەن ماماندارى، سونداي-اق، ءدىن سالاسىنداعى قالالىق ءاقپاراتتىق-تۇسىندىرۋ توبىنىڭ مۇشەلەرى قاتىستى.

دوڭگەلەك ۇستەل جۇمىسىن ق ر بعم عك فيلوسوفيا، ساياساتتانۋ جانە ءدىنتانۋ ينستيتۋتىنىڭ ديرەكتورى، ساياسي عىلىمدار دوكتورى، پروفەسسور ا.ق. بيجانوۆ العى سوزىمەن اشتى. سونداي-اق، قازاقستان رەسپۋبليكاسى پارلامەنت سەناتىنىڭ دەپۋتاتى س.م. ەرشوۆ ءسوز سويلەپ، ءوز سوزىندە مەملەكەتتىڭ تۇتاستىعىنىڭ نەگىزگى قاجەتتى شارتتارىنىڭ ءبىرى كونفەسسياارالىق جانە ەتنوسارالىق كەلىسىم ەكەندىگىن جانە بۇنىڭ شەشىمى مەملەكەت پەن ءدىننىڭ ءوزارا قارىم-قاتىناسىن ناقتى ەرەجەلەنگەن قۇقىقتىق ەرەجەلەردى زاڭدى بەكىتۋ بولىپ تابىلاتىندىعىن اتاپ ءوتتى. الماتى قالاسى اكىمدىگىنىڭ اتىنان قالالىق ءدىن ىستەرى جونىندەگى باسقارماسىنىڭ باسشىسى ا.ر. ەسەنبەكوۆ ءسوز سويلەدى.

دوڭگەلەك ۇستەلدە نەگىزگى بايانداماشى رەتىندە ءدىن ىستەرى كوميتەتىنىڭ ءتوراعاسى ە.ا. وڭعاربايەۆ ءسوز سويلەپ، قاتىسۋشىلارعا اتالعان زاڭ جوباسىنىڭ نەگىزگى اسپەكتىلەرىن تولىق جانە ەگجەي-تەگجەيلى بايانداماسىمەن ءتۇسىندىردى. ءوز سوزىندە اتالعان زاڭ جوباسى ەلباسىنىڭ تاپسىرمالارىن جانە قازاقستان رەسپۋبليكاسى پرەزيدەنتىنىڭ جارلىعىمەن بەكىتىلگەن ءدىن سالاسىنداعى مەملەكەتتىڭ ساياساتتىڭ  2017-2020 جىلدارعا ارنالعان تۇجىرىمداماسىن ىسكە اسىرۋ اياسىندا ازىرلەنگەنىن جانە 12 زاڭنامالىق اكتىدەگى 53 تۇزەتۋدەن (3 كودەكس جانە 9 زاڭ) تۇراتىندىعىن اتاپ ءوتتى. سونىمەن قاتار، سوزىندە زاڭ جوباسىنىڭ ايتارلىقتاي ماڭىزدى نورمالارى – ءدىندى دەسترۋكتيۆتى ماقساتتا قولدانۋ مۇمكىندىكتەرىن جويۋعا، ءدىن سالاسىنداعى جۇمىستاردى ۇيىمداستىرۋ كەزىندەگى مەملەكەتتىك ورگانداردىڭ قۇزىرەتتىلىكتەرىن ناقتىلاۋعا جانە ءدىني بىرلەستىكتەر قىزمەتىن جەڭىلدەتۋگە باعىتتالعان تۇزەتۋلەر كەلتىرىلگەن دەپ اتاپ كەتتى.

دوڭگەلەك ۇستەل قاتىسۋشىلارى ءدىن سالاسىنداعى زاڭنامانى جەتىلدىرۋدىڭ قاجەتتىلىگىن جانە اتالعان ماڭىزدى قۇجاتتىڭ قابىلدانۋىن تولىقتاي قولداپ، ءبىرقاتار ەسكەرتۋلەر مەن ۇسىنىستار ايتىلدى.

وسى رەتتە، ا.ق. بيجانوۆ ءىس-شارا قاتىسۋشىلارىنا العىسىن ءبىلدىرىپ، تالقىلاۋ بارىسىندا ايتىلعان ۇسىنىستار مەن ەسكەرتۋلەر ق ر پارلامەنتى سەناتىنا جانە ءدىن ىستەرى جانە ازاماتتىق قوعام مينيسترلىگىنە مۇقيات قاراستىرۋ ءۇشىن جولداناتىندىعىن اتاپ ءوتتى.