قازاقستان پوليسياسىنىڭ 26 جىلدىعىنا بايلانىستى اۋدان اكىمى جامانتاي بەيسەنبايەۆ اۋداندىق ىشكى ىستەر باسقارماسىنا بارىپ، پوليسيا قىزمەتكەرلەرىن كاسىبي مەرەكەلەرىمەن ارنايى قۇتتىقتادى.

"ىشكى ىستەر ورگاندارى - مەملەكەتتىك بيلىكتىڭ قوعامدا قۇقىق ءتارتىبىن، ازاماتتاردىڭ قاۋىپسىزدىگىن قامتاماسىز ەتەتىن ماڭىزدى قۇرىلىم. حالىق ساقشىلارىنىڭ كاسىبي قىزمەتى زور جاۋاپكەرشىلىگىمەن، تاۋەكەلگە بەل بۋۋمەن ەرەكەشەلەنەدى. ەلىمىز دەربەس مەملەكەت بولىپ، تاۋەلسىزدىگىن جاريالاعان ساتتەن باستاپ ونىڭ تىنىشتىعىنىڭ ساقتالۋىندا سىزدەردىڭ ەڭبەكتەرىڭىز زور. زاڭ بەكىتىلگەن كۇن، ياعني 23-ماۋسىم جىل سايىن قازاقستان پوليسياسى كۇنى رەتىندە اتالىپ وتىلۋدە. ەندەشە، ريزاشىلىق پەن قۇرمەتتىڭ نىشانى رەتىندە ماقتارال اۋداندىق ىشكى ىستەر باسقارماسىنىڭ ۇجىمىن قازاقستان پوليسياسى كۇنىمەن شىن جۇرەكتەن قۇتتىقتايمىن!" - دەدى جامانتاي قاناي ۇلى.

پوليسيا كۇنى مەرەكەسىندە قىزمەتتىك بورىشىن وتەۋ كەزىندە قازا بولعان ىشكى ىستەر ورگاندارى قىزمەتكەرلەرىنە ارنالعان مونۋمەنتكە گۇل شوقتارىن قويۋ ءراسىمى ءوتتى. قازا بولعاندارعا 1 مينۋت ۇنسىزدىك جاريالانىپ، ولاردىڭ ەرلىكتەرى ەسكە الىندى. سونداي-اق، انتىنا ادال بولىپ، وزىنە جۇكتەلگەن مىندەتتى ۇقىپتىلىقپەن اتقارىپ جۇرگەن پوليسيا قىزمەتكەرلەرى ماراپاتتالدى.

ايتا كەتەيىك، سوڭعى 26 جىلدىڭ ىشىندە قازاقستان رەسپۋبليكاسىندا ىشكى ىستەر ورگاندارىنىڭ 850 قىزمەتكەرى مىندەتتەرىن وتەۋ كەزىندە، اتاپ ايتقاندا قىلمىسكەردى ۇستاۋ كەزىندە قازا تاپقان. سونىمەن قاتار، 2320 پوليسيا قىزمەتكەرى اۋىر جاراقات الىپ، باسىم بولىگى مۇگەدەك بولعان.