ءبىرىڭعاي جيناقتاۋشى زەينەتاقى قورىنىڭ باتىس قازاقستان وبلىستىق فيليالى وبلىس تۇرعىندارىنا  زەينەتاقى جارنالارى مەن  زەينەتاقى قورى  ۇسىناتىن  ەلەكتروندى سەرۆيس جانە  زەينەتاقى جيناقتارى مەن تولەمدەرىنىڭ   ەلەكتروندى نۇسقاسىن  تانىستىردى.

-سوڭعى جىلدارى اقپاراتتاندىرۋ تاسىلدەرى ايتارلىقتاي كەڭەيدى. بجزق ۋاقىت تالابىنا ساي دامىپ كەلەدى. قاشىقتىق ارقىلى قىزمەت كورسەتۋگە ەسەپتەلگەن كوپتەگەن جاڭا ەلەكتروندىق سەرۆيس تۇرلەرى قولدانىسقا ەنگىزىلدى. ەندى كەڭسەگە بارىپ، كەزەكتە تۇرماي-اق قىزمەت الىپ، ۋاقىت  ۇنەمدەۋگە بولادى. زەينەتاقى شوتىنىڭ  جاعدايىن ۇيدە وتىرىپ-اق  ۇيالى تەلەفون ارقىلى دا قاداعالاۋعا بولادى. 2017 جىلى قورداعى ەلەكتروندى وپەراسيالارىنىڭ كورسەتكىشى 52 پايىزعا جەتتى. مۇنداي قىزمەت تۇرلەرىن ءبىز ودان ءارى جەتىلدىرە بەرمەكپىز. سيفرلاندىرۋ – ءسان قۋۋ ەمەس، بۇل ءبىزدىڭ ءومىرىمىزدى بارىنشا قولايلى ەتەتىن ۋاقىت تالابى. سوندىقتان ءبىز جۇرتشىلىقتى بۇل مۇمكىندىكتەرمەن كەڭىرەك تانىستىرماقپىز.  قىسقاشا توقتالار بولسام، ءقازىر زەينەتاقى جارنالارىڭىزدى ەلەكتروندى پوشتا ارقىلى عانا ەمەس، قور سايتىندا جەكە كابينەت اشۋ ارقىلى، EGOV.KZ ەلەكتروندى ۇكىمەت پورتالى ارقىلى دا الۋعا بولادى. ەلىمىزدە زەينەتاقى جارنالارىنىڭ ءۇش ءتۇرى بار. ونىڭ ءبىرىنشىسى، مىندەتتى زەينەتاقى جارنالارى. ونى جۇمىس بەرۋشى قىزمەتكەرىنىڭ ايلىق تابىسىنىڭ 10 پايىزى كولەمىندە زەينەتاقى قورىنا اۋدارىپ وتىرادى. ەكىنشىسى – مىندەتتى كاسىبي زەينەتاقى جارنالارىن جۇمىس بەرۋشى زمياندى جاعدايدا جۇمىس ىستەيتىن قىزمەتكەرلەردىڭ ەسەپشوتىنا ايلىق تابىسىنىڭ بەس پايىزى كولەمىندە اۋدارادى. ال، ءۇشىنشىسى- ەرىكتى زەينەتاقى جارناسى. ءوزىنىڭ زەينەت كەزەڭىن جوسپ ارلاپ، قارتتىق شاعىنداعى قاجەتتىلىكتەرىنە قاراجات جيناۋعا دايىن ازاماتتارعا ارنالعان. جارنانىڭ بۇل ءتۇرىنىڭ  سوماسىن سالىمشى ءوز ىقتيارىنا قاراي بەلگىلەيدى،- دەدى «بجزق» اق باتىس قازاقستان وبلىستىق فيليالىنىڭ ديرەكتورى قايرات  يحسانوۆ.